Talavou​—Po o Avea Ieova ma Au Uō Mamae?

O ā ni uiga e te manaʻo e iai i sau uō? Atonu e te fiafia i le faamaoni, agalelei ma le limafoaʻi. E faaalia e Ieova na uiga uma. (Eso 34:6; Ga 14:17) E faafofoga mai o ia pe a e tatalo atu, ma e fesoasoani mai iā te oe i so o se taimi e te manaʻomia ai. (Sl 18:19, 35) E na te faamagalo foʻi au mea sesē. (1Io 1:9) Maʻeu se Uō lelei e iai Ieova!

E faapefea ona avea oe ma uō a Ieova? Ia aʻoaʻo e faatatau iā te ia e ala i le faitauina o lana Afioga, ma sasaa atu popolega o lou loto iā te ia. (Sl 62:8; 142:2) Ia faaalia atu e te faatāua mea e tāua iā Ieova, e pei o lona Alo, lona Malo, ma ana folafolaga mo le lumanaʻi. Ia taʻu atu i isi e faatatau iā te ia. (Teu. 32:3) Pe a e atiaʻe se faauōga vavalalata ma Ieova, o le a avea ai o ia ma au Uō e faavavau.​—Sl 73:25, 26, 28.

MAIMOA I LE VITIŌ TALAVOU​—ʻIA TOFOTOFO MA ILOA AI E LELEI IEOVA,’ ONA TALI LEA O FESILI NEI:

• 

  E faapefea ona e sauniuni mo le tuuina atu ma le papatisoga?

• 

  E faapefea i isi i le faapotopotoga ona fesoasoani iā te oe e auauna iā Ieova?

• 

  E faapefea i le faiva ona faamalosia ai la oulua faiā ma Ieova?

• 

  O ā vala o le auaunaga iā Ieova e mafai ona e auauna ai?

• O le ā se mea e te fiafia ai e faatatau iā Ieova?