ʻOA TAUTELE MAI I LE AFIOGA A LE ATUA | ESOTO 39-40

Na Mulimulituʻi Mose i Faatonuga

Na mulimulituʻi Mose i faatonuga patino a Ieova mo le fausiaina ma le faatūina o le faleʻie paia. E tatau foʻi ona tatou faalogo i so o se faatonuga mai i le faalapotopotoga a Ieova, ma vave ona usitaʻia ma le lotoatoa. E tatau ona tatou faia faapea, e tusa po o se faatonuga e foliga mai e lē tāua, pe e tatou te lē malamalama foʻi i le māfuaaga na faia ai.—Lu 16:10.

Aiseā e tatau ai ona tatou faalogo ma mulimulituʻi i faatonuga . . .

i taimi o faatasiga mo le talaʻiga?
e tusa ai o le sauniuni mo ni togafitiga faafomaʻi faafuaseʻi?
i le auala e sauniuni ai mo mala?

Tuufaatasiga o ata: O loo mulimuli uso ma tuafafine i faatonuga ua latou maua. 1. O loo faatasi se vaega i le polotito o se fale mo le faatasiga mo le talaʻiga. 2. O loo tusia e se tuafafine lana filifiliga e faatatau i togafitiga faafomaʻi i se pepa faaletulafono. 3. O loo tuu e se aiga mea e manaʻomia mo faalavelave faafuaseʻi i se ato.