ʻOA TAUTELE MAI I LE AFIOGA A LE ATUA | LEVITIKO 4-5

Avatu iā Ieova le Mea Sili E te Mafaia

I Isaraelu, e leʻi mafai e le tulaga mativa ona taofia se tasi mai i le mauaina o le filemu ma Ieova. E oo lava i tagata e matuā matitiva na mafai ona ofoina atu taulaga na talia e Ieova, e tusa ma le mea na latou mafaia. Na mafai ona latou ofoina atu falaoamata, ae na faatalitalia e Ieova le falaoamata “lelei” lea e faaaogā mo malo faaaloalogia. (Ke 18:6) I aso nei, e talia foʻi e Ieova a tatou “taulaga o viiga” e sili ona lelei, e tusa pe e lē tele ni mea e mafai ona tatou faia ona o o tatou tulaga.—Epe 13:15.

E faapefea i lenei mea ona faamalosia ai oe, pe afai ua e lē toe mafaia mea sa e faia muamua, atonu ona o lou soifua mālōlōina po ua lē toe tutusa lou malosi?

Tuufaatasiga o ata: O loo faia e ni tuafāfine se toʻalua le mea sili e la te mafaia e ofo atu ai ʻtaulaga o viiga’ iā Ieova. 1. O se tuafafine e auauna i se vaipanoa e ese le gagana o loo talaʻi atu i se fafine i le maketi. 2. O se tuafafine matua o loo tusi ni ana tusi i lona fale.