Avatu se “Meaalofa Faaleagaga”

E matuā faalaeiauina i tatou i faatasiga ma uso ma tuafāfine. Ae ina ia aogā moni faalaeiauga e maua mai i na faatasiga, e iai isi mea e manaʻomia nai lo o le tau ina faatasitasi. Ua taʻua i le Tusi Paia o se “meaalofa faaleagaga” lo tatou faamalosia o le faatuatua o isi. (Roma 1:​11, 12) E faapefea la ona tatou faia faapea?

Ia faalaeiau isi i a tatou upu. O se faataʻitaʻiga, pe a faia o tatou sao i sauniga, nai lo le faatāua o o tatou lava manatu, ia faamatilatila manatu e tatou te aʻoaʻoina e faatatau iā Ieova, le Tusi Paia, ma ona tagata. Pe a faatasitasi foʻi ma uso ma tuafāfine, ia talanoa i mataupu e atiaʻe ai.

Ia faalaeiau isi e ala i a tatou filifiliga ma gaoioiga. O se faataʻitaʻiga, atonu e mātauina e nisi lou tumau pea i le auaunaga faataimi atoa, e ui lava i luʻi o loo e fesagaʻia. Atonu foʻi e latou te mātauina au taumafaiga e auai pea i sauniga i le amataga o le vaiaso, e ui i se maʻi tugā o loo e aafia ai, po o le pisi foʻi o lau galuega.

Po o faalaeiauina isi e ala i au upu ma gaoioiga? Po o e mataalia i auala o loo faalaeiauina ai oe e uso ma tuafāfine, e ala i a latou upu ma gaoioiga?