E Faapefea Ona Faamaopoopo Faapotopotoga a Molimau a Ieova?

E vaavaaia e le ʻautoeaina faapotopotoga taʻitasi. E pe ā ma le 20 faapotopotoga e faia aʻe ai se matagaluega e tasi. E iai vaitaimi e asia ai faapotopotoga e ovasia femalagaaʻi ua taʻua o ovasia o matagaluega.

E saunia mai e le Vaega Pule fautuaga ma faatonuga e faavae mai i le Tusi Paia. E faia aʻe le Vaega Pule i Molimau a Ieova ua loa tausaga o auauna ma le faamaoni, ma o loo galulue i le ofisa ulu o Molimau a Ieova i Warwick, i Niu Ioka i le Iunaite Setete o Amerika.—Galuega 15:23-29; 1 Timoteo 3:1-7.