Le Feʻau o le Tusi Paia

Mavae le 4026 T.L.M.

Na fesiligia e “le gata” le aiā a Ieova e pule ai, ma le auala e fai ai lana pulega. Na folafola e Ieova o le a ia faatūina se “fanau” e tuʻimomomoina le gata o Satani. (Kenese 3:1-5, 15) Peitaʻi, o loo faataga e Ieova le taimi e faia ai e tagata a latou lava pulega i lalo o le taʻitaʻiga a le gata.

1943 T.L.M.

Na faailoa e Ieova iā Aperaamo o le a avea ma “fanau” folafolaina se tasi e tupuga mai iā te ia.—Kenese 22:18.

Mavae le 1070 T.L.M.

Na faamautinoa atu e Ieova i le tupu o Tavita faapea lona atalii o Solomona i se taimi mulimuli ane, o le a auala mai le “fanau” folafolaina i le gafa o lo latou aiga.—2 Samuelu 7:12, 16; 1 Tupu 9:3-5; Isaia 9:6, 7.

29 T.A.

Na faailoa mai e Ieova o Iesu le “fanau” folafolaina, o ia o le Suli i le nofoālii o Tavita.—Kalatia 3:16; Luka 1:31-33; 3:21, 22.

33 T.A.

Na faamanuʻalia mo se taimi puupuu e le gata o Satani le “fanau” folafolaina, e ala i le fasiotia o Iesu. Na faatūina e Ieova Iesu i le ola i le lagi ma talia le tāua o le ola lelei atoatoa o Iesu, lea ua fai ma faavae mo le faamagaloina o agasala ma maua ai e fanau a Atamu le ola e faavavau.—Kenese 3:15; Galuega 2:32-36; 1 Korinito 15:21, 22.

Pe tusa o le 1914 T.A.

Na lafoina mai e Iesu le gata o Satani i le lalolagi, e taofia ai mo sina taimi.—Faaaliga 12:7-9, 12.

Lumanaʻi

O le a saisaia e Iesu Satani mo le 1,000 tausaga ona faaumatia ai lea o ia, e faaata mai ai le tuʻimomomoina o lona ulu. O le a faataunuuina le finagalo o Ieova mo le lalolagi ma tagata, taʻumamāina lona suafa, ma faasilisilia lana auala e pule ai.—Faaaliga 20:1-3, 10; 21:3, 4.