Omia Fanau Aʻoga

O JENNIFER ua sefulu fitu ona tausaga, na ia maua se tulaga e sili atu ona maualuga i lana vasega. Na auai o ia i le tele o mea fai ma faaaloalogia ai o ia e ona faiaʻoga ma tagata faufautua. Ae i le tausaga a o leʻi faauu o ia, na amata ai ona matuā tigā lona ulu ma masani foʻi ona faafaufau o ia. Sa ia lagona atonu o le uumi o taimi e uaʻi atu ai i ana meaaʻoga, faatasi ma le lē lava o lana moe na māfua ai ona maʻi o ia.

E lē na o Jennifer o tupu ai lenei mea. O loo faatupulaʻia pea le aofaʻiga o tamaiti aʻoga o loo omia i aʻoga, ma o nisi ua saʻili fesoasoani atu i fomaʻi o le mafaufau. O le iʻuga la, ua faavaeina ai e se vaega o tagata atamamai i Amerika se polokalame e faaitiitia ai le tulaga maualuga o omiga i aʻoga ona o le tele o mea fai. O loo taʻua lenā polokalame o le Taulau Manuia i Luʻi.

Afai o oe o se tamaitiiti aʻoga, atonu e pei o Jennifer, o loo e feagai la ma ni omiga. Afai foʻi o oe o se matua, atonu la ua e vaai i le tele o omiga o loo fesagaʻi ma lou atalii po o lou afafine ina ia taulau manuia ai i le aʻoga. Po o iai se puna o taʻiala aogā e mafai ona liliu atu i ai mātua ma a latou fanau aʻoga mo se fesoasoani?