Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • g 4/11 itu. 7-9
  • Pe e Mafai e Lotu Ona Faatupuina le Filemu?

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Pe e Mafai e Lotu Ona Faatupuina le Filemu?
  • Ala Mai!—2011
  • Tamaʻi Ulutala
  • Mataupu e Taitutusa
  • Pe e Iai se Lotu Moni?
  • “O Loʻu Malo e Lē Mai le Lalolagi Lenei”
  • Se Vaega e “Tū Ese”
  • Se Lumanaʻi Matagofie
  • Le Tapuaʻiga e Talia e le Atua
    O ā Aʻoaʻoga Moni a le Tusi Paia?
  • Faatinoina le Lotu Moni mo le Faasaoina
    Le Olomatamata Faasilasilaina le Malo o Ieova—1992
  • Po ua Lava ma Totoe le Lelei o So o se Lotu?
    Le Olomatamata Faasilasilaina le Malo o Ieova—1992
  • Pe ua e Mauaina le Lotu Sa‘o?
    Le Olomatamata Faasilasilaina le Malo o Ieova—1994
Faitau Atili
Ala Mai!—2011
g 4/11 itu. 7-9

Pe e Mafai e Lotu Ona Faatupuina le Filemu?

“SEʻI o tatou faia le lalolagi ma nofoaga e sili ona lelei. Tatou tafiesea uma lotu.” O le fautuaga lenā a se fai filosofia mai Holani o Floris van den Berg, i lana lauga na faasalalauina o lona matua, “Pe Faapefea Ona Tafiesea Lotu ma Aiseā” (How to Get Rid of Religion, and Why). O loo lagolagoina foʻi lenā manatu e tagata atamamai i le lalolagi aoao.

Na folafola mai e Steven Weinberg, o lē na manumalo i le faailoga faapitoa o le Nobel e faapea, “Ua tatau ona malamalama le lalolagi i le sesē o talitonuga ua leva ona iai o lotu.” E leʻi leva talu ona faamanino mai e faapea, o le a matuā faaitiitia le tulaga leaga o le lalolagi, pe a tafiesea lotu. Ua taatele tusi e tetee i lotu, ma e ese foʻi le alumia.

Sa fono ni saienitisi iloga e talanoaina se manaʻoga ua latou manatu e faanatinati, o le tafiesea lea o lotu. Ua faatupulaʻia i latou o ē e lē talitonu i le Atua, ma ua tele foʻi a latou tusitusiga e faaalia ai lo latou ʻinoʻino i lotu. Pe e saʻo manatu o nei tagata?

Pe e Iai se Lotu Moni?

Afai e sesē lotu uma ma e leai se Atua, ua alagatatau ai la ona tafiesea lotu uma. Ae faapefea pe afai e iai se Atua? Ae faapefea pe afai o iai se lotu po o se vaega o tagata, o loo avea moni ma sui o le Atua?

Ua faaalia i se suʻesuʻega māeʻaeʻa i le talaaga o lotu, e tasi lava le tapuaʻiga e tū ese mai i isi lotu uma. O loo faatinoina lea tapuaʻiga i aso nei e se vaega toʻaitiiti o tagata. Na faavaeina lenei tapuaʻiga e Iesu ma ona aposetolo. E latou te lē auai i mea ua leva ona faia e lotu ua faapea mai o Kerisiano, mo le tele o senituri.

O le ā le eseesega o lotu ua faapea mai o Kerisiano ma le tapuaʻiga moni na faavae e Iesu Keriso? E tele eseesega, ae seʻi iloilo se vala se tasi.

“O Loʻu Malo e Lē Mai le Lalolagi Lenei”

E leʻi auai uluaʻi Kerisiano i mataupufai a malo. Ua ōgatasi lea ma le tulaga solitū o Iesu. E faalua ona taʻua i le Tusi Paia le matuā teena e Iesu o ofo ina ia avea o ia ma taʻitaʻi faale-malo. (Mataio 4:8-10; Ioane 6:15) Sa aʻoaʻia foʻi e Iesu ona soo ina ua mananaʻo e faaaogā faiga sauā e taofia ai le puʻeina o ia.​—Mataio 26:51, 52; Luka 22:49-51; Ioane 18:10, 11.

Ina ua fesiligia Iesu e le Kovana Roma o Iutaia e tusa o ni moliaga e faapea e fia pulea le malo, na faamanino atu e Iesu: “O loʻu malo e lē mai le lalolagi lenei. Ana mai le lalolagi nei loʻu malo, semanū ua tau aʻu auauna, ina neʻi tuuina atu aʻu i tagata Iutaia. A o lenei, e lē mai i inei loʻu malo.” (Ioane 18:36) O lea, e leʻi auai Iesu i faiga faapolotiki po o vaegaau i ona aso.

Sa mulimuli soo o Iesu i lana faaaʻoaʻoga. Ua taʻua e le ʻausuʻesuʻe lea sa taʻua muamua e faatatau i le vaega a lotu i taua: “E leʻi talitonu uluaʻi Kerisiano i faiga sauā. . . . Na mumusu le toʻatele o Kerisiano e auai i vaegaau ma taua.” Na faamamafa i aʻoaʻoga a Iesu ma ona aposetolo le alofa i tuaoi, e aofia ai ē e latou te lē masani, ma tagata e ese o latou talaaga ma lanu. (Galuega 10:34, 35; Iakopo 3:17) O le lotu moni lenei o loo faatupuina le filemu.

Mulimuli ane, na filogia talitonuga faa-Kerisiano i filosofia a tagata, aganuu, ma le lotonuu. O le toe iloiloina o le vaega a lotu i taua e pei ona taʻua muamua, na iloa ai: “O le liulotu [o le Emeperoa o Roma] o Konesetatino, na iʻu ai i le auai o Kerisiano i vaegaau, a ua lē toe mulimuli i aʻoaʻoga alofa a Keriso, ona ua uunaʻia i faanaunauga o le Emeperoa ia pulea le malo ma nuu. O lea, na taumafai ai Kerisiano, faapea ma le Emeperoa, ia maua se faamaoniga faalelotu e lagolagoina ai taua.” Ma ua faapea ai ona aliaʻe mai se Faa-Kerisiano faatagāfai.

Se Vaega e “Tū Ese”

Po ua lē o toe iai la se Faa-Kerisiano e pei ona iai i le amataga? O loo iai se vaega i aso nei e tatau ona faailoa atu, o Molimau a Ieova. Ona e lē pei o isi lotu, e latou te faataʻitaʻi i uluaʻi Kerisiano. E leai so latou sootaga ma se isi lava lotu ua faapea mai o Kerisiano. Ua faamatalaina i latou e le Encyclopedia of Religion e faapea “e tū ese,” talu ai e “faavae o latou talitonuga uma i le Tusi Paia, e lē filogia i uputuu.”

E pei Molimau a Ieova o uluaʻi Kerisiano, e lē auai i feteenaʻiga a malo. Na taʻua i le lipoti a le National Academy of Sciences i Ukraine, e taumafai Molimau a Ieova e faaleleia “feeseeseaʻiga o lanu, nuu, lotu, tagata ma le tamaoaiga.” Sa faamatala atili, “e lē tetee [Molimau a Ieova] i malo” ma o ni “tagatānuu e usitaʻi i tulafono a o latou atunuu.”

Sa tusi Wojciech Modzelewski mai i le Iunivesite i Warsaw i Polani i lana tusi Pacifism and Vicinity e faapea: “O Molimau a Ieova le vaega e pito i sili ona toʻatele i le lalolagi e tetee i taua.” E latou te mulimulituʻi i le faaaʻoaʻoga a Kerisiano i le uluaʻi senituri, ma o lea e faapea atu ai, ua toe faatinoina e i latou le tapuaʻiga na faavaeina e Keriso ma ona aposetolo. O le Faa-Kerisiano lenā e manaʻomia ina ia faatupuina ai le filemu.​—Tagaʻi i le pusa i le itulau o sosoo mai.

Se Lumanaʻi Matagofie

O le mea moni, e toʻatele tagata tapuaʻi faamaoni, ma nisi taʻitaʻi lotu ua matuā ʻinoʻino i le pepelo o a latou lotu. E ao ona faamālō atu i le toʻatele o tagata lotu, o loo naunau moni e saʻilia le filemu ma le autasi.

E ui ina faamaoni na tagata, ae e gata mai mea e latou te mafaia e foʻia ai faafitauli o le lalolagi. Na tusi le perofeta anamua o Ieremia: “E lē o i le tagata foʻi e savali, ona faatonuina le mea e ui ai o ia.”​—Ieremia 10:23.

Ae o loo iai se lumanaʻi matagofie. O loo aʻoaʻoina i le Afioga a le Atua, e na o ē e faatupuina le filemu o le a iai i le lalolagi fou. O le a avea i latou o se ʻauuso moni. O le a ola autasi ai tagata uma, e lē toe femisaaʻi ona o laueleele, po o le eseese o ituaiga ma talitonuga faalotu. O le a autasia i latou uma ona o le tapuaʻiga mamā a Ieova le Atua.

Ua valoia foʻi i le Tusi Paia le faaumatiaga o lotu e lē faamamaluina le Atua. Na fetalai Iesu: “E faaumatia malo uma e fevaevaeaʻi, ma e lē tumau foʻi aai uma po o aiga e fevaevaeaʻi.” (Mataio 12:25) E oo mai le taimi o le a faataunuu ai e le Atua na upu i lotu sesē uma.

Ua leva ona valoia i le Tusi Paia, o le a “faamasino foʻi [e le Atua] atunuu, ma faasaʻo mataupu.” Ua faapea mai foʻi lea valoaga, “e latou te tuʻi a latou pelu e fai ma uʻamea suōtosina ma o latou tao e fai ma pelu e teu ai laau. E lē toe sii le pelu e le tasi atunuu i le tasi atunuu, pe latou te toe aʻoaʻo foʻi i taua.” (Isaia 2:4) Ua faataunuuina i aso nei lenei valoaga. Ua faatupuina e le lotu moni, e pei ona faia e Molimau a Ieova, le filemu.

[Faamatalaga faaopoopo i le itulau 8]

O le alofa ua autasia ai Molimau a Ieova

[Pusa i le itulau 9]

E Faapefea Ona Ese Molimau a Ieova?

Ua maofa le toʻatele o tagata ina ua latou iloa le eseesega o Molimau a Ieova, ma isi lotu ua faapea mai e mulimuli iā Keriso. O nisi nei o vala e ese ai Molimau a Ieova.

FAATULAGAGA

● E leai se vasega o ni taʻitaʻi.

● E lē totogia a latou toeaina ma misionare.

● E lē faia ni sefuluaʻi pe ao ni peleti i a latou sauniga.

● E faatupeina mea uma e ala i meaalofa tauofo.

● E lē auai i mataupufai a malo.

● E latou te tausia le filemu ma e lē auai i faiga taua.

● E autasi i le faatuatua ma aʻoaʻoga e faavae mai i le Tusi Paia.

● E latou te autasi ona e lē faailoga tagata, ae e tutusa tagata uma.

● E lē ʻauʻau faatasi la latou tapuaʻiga ma isi lotu e iai le lotu Katoliko, po o le Porotesano ma isi lotu.

AʻOAʻOGA

● E talitonu i latou, e toʻatasi le Atua moni, o lona suafa o Ieova.

● E lē talitonu i latou o Iesu o le Atua Silisili ese, ma e lē talitonu foʻi i le Tolutasi.

● E mulimuli i aʻoaʻoga a Iesu ma faamamaluina o ia o le Alo o le Atua.

● E lē tapuaʻi i le koluse, po o ni faatusa.

● E lē talitonu e iai se afi i seoli e faapuapuagatia ai tagata e faavavau.

● E latou te talitonu o le a faamanuia e le Atua tagata usiusitaʻi, ma o le a ola e faavavau i luga o lenei lalolagi o le a avea ma parataiso.

E talitonu Molimau a Ieova, ua latou toe faaolaolaina le Faa-Kerisiano moni lea sa faavae e Iesu ma ona soo i le uluaʻi senituri.

[Ata i le itulau 8]

O uso mai i Serbia, Bosnia, ma Croatia

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga