MEA O TUTUPU I LE LALOLAGI

Lalolagi Aoao

O le fia aai o tagata, e lē māfua ona o le lē lava o meataumafa. E silia ma le 7 piliona tagata o loo nofoia le lalolagi, ae a faatusatusa i meatotō a faifaatoʻaga e mafai ona fafagaina ai le toʻa 12 piliona o tagata. O le faafitauli autū la, o le taugatā o meataumafa, lē lelei le faasoaina, faapea le faataugā o meaʻai.

Peretania ma Amerika

E manatu le 24 pasene o tagata e maualuluga i galuega tautupe, e manaʻomia ona latou faia ni faiga faaalatua ina ia latou taulau manuia ai. Ua taʻutino mai foʻi le 16 pasene o isi tagata e faapea, e latou te faatinoina se solitulafono pe afai e lē maua i latou.

Anitenitina

I Anitenitina, e 3 mai i le 5 faiaʻoga e talosaga atu mo ni aso mālōlō, ona o faiga sauā po o popolega mai iā latou galuega.

Korea i Saute

I Korea i Saute, e lē o toe umi ae toʻatele tagata e masani i le nonofo taʻitoʻatasi nai lo o le nonofo faatasi ma isi.

Saina

E ui i taumafaiga a le malo fou o Saina ina ia oo atu i le 2016 ua lelei le ʻea, ae e foliga mai e oo atu i lenā taimi e lē mafai ona faaleleia le ʻea i le lua vaetolu o ona aai. E lē gata i lea, a faavasegaina le tulaga o vai e maua i lalo o le eleele, a lē o le “leaga,” o le “matuā leaga.”