E Faapefea Ona E Fuaina le Taulau Manuia?

Ina ia iloilo oe lava, seʻi mafaufau i tulaga nei e ono tutupu.

O ai e te faapea mai o loo taulau manuia moni?

• 

  ALEKI

  O Aleki e iai sana pisinisi. E faamaoni, galue mamafa ma faaaloalo. Ua ola lana pisinisi, ma ua maua e lona aiga se olaga fiafia ma sologa lelei.

• 

  TANA

  E iai foʻi se pisinisi a Tana e pei o Aleki, ae e tele mamao atu ana tupe e maua nai lo o Aleki. Peitaʻi, sa manaʻo Tana ia sili atu ona lelei lana pisinisi, o lea na faigaluega faasoloatoa ai ma maua ai i le tele o maʻi.

• 

  IANETA

  E aʻoga i le aʻoga tulaga lua, e toʻaga e suʻesuʻe ma fiafia e aʻoaʻoina mea. O le iʻuga, ua ia maua ni togi maualuluga.

• 

  ELENA

  E maualuluga atu ana togi nai lo o Ianeta, ma o se teine aʻoga e sili ona atamai. Peitaʻi, e kopi o ia i taimi o suʻega ma e lē naunau tele i le aʻoga.

Pe afai e te faapea mai na taulau manuia Tana ma Elena, po o i latou uma e toʻafā, atonu la o loo e fua le taulau manuia i na o iʻuga e maua mai, e tusa po o le ā le auala na maua ai na iʻuga.

Ae pe afai e te faapea mai o Aleki ma Ianeta, atonu la o loo e fua le taulau manuia i uiga o le tagata ma le auala e galue ai. E talafeagai lenā manatu. Seʻi manatu i faaaʻoaʻoga nei:

• O le ā le mea e sili ona aogā iā Ianeta mo se taimi umi, o le maua o ni togi maualuluga po o le fiafia e aʻoaʻoina mea?

• O lē fea e sili i le fanau a Aleki, o le maua o tupe e tele ma meafaitino, po o le iai o se tamā e na te faatāua le faaalu o le taimi ma i latou?

Manatu autū: O le taulau manuia e lē moni, e faavae i mea e vaai i ai, a o le taulau manuia moni, e faavae i amioga tatau.