O se Tusi Mai Anamuā mo le Olaga i Aso Nei
E toʻatele tagata e manatu o le Tusi Paia o se tusi e paia. Peitaʻi, o le Tusi Paia e lē na o se tusi e paia, ae o loo faailoa mai ai iā i tatou le auala e tapuaʻi ai. O loo taʻua ai foʻi fautuaga aogā e fesoasoani iā i tatou i aso taʻitasi.
O se faaaʻoaʻoga, mātau le auala na maua ai e nisi tagata aogā mai i le faitauina o le Tusi Paia ma faatatauina fautuaga o loo iai i o latou olaga.
“Ua ou maua se olaga toʻafilemu. Ua faaleleia oʻu faalogona ma le auala ou te mafaufau ai. Ua sili atu le fiafia ua ou maua.”—Fiona.
“O le suʻesuʻeina o le Tusi Paia, ua ou maua ai se olaga faamalieina ma se fuafuaga o le olaga.”—Gnitko.
“Ua ou maua se olaga e sili ona fiafia. Ua faaitiitia oʻu taimi faigaluega, ma ua tele ai le taimi e faaalu mo loʻu aiga.”—Andrew.
E tele foʻi isi faaaʻoaʻoga e pei o faaaʻoaʻoga na taʻua i luga. Ua iloa e le toʻatele o tagata i le lalolagi aoao, o loo i le Tusi Paia le tele o fautuaga aogā mo le olaga i aso taʻitasi.
Seʻi o tatou iloiloina pe faapefea ona fesoasoani le Tusi Paia i tagata ina ia faaleleia o latou . . .
Soifua mālōlōina i le tino
Soifua mālōlōina tau faalogona
Aiga ma faauōga
Tulaga tau tupe
Tulaga faaleagaga
O mataupu o loo sosoo mai o le a faailoa mai ai, o le Tusi Paia e mai i le Atua ma e mafai ona fesoasoani fautuaga aogā o loo iai i lou olaga i aso taʻitasi.