Po o E Lagona le Popole?

“E eseese uma popolega o tagata, peitaʻi ua matuā lofitūina aʻu i le popole. E lē na o se tasi se faafitauli, ae na ou tauivi foʻi ma le tele o isi popolega aemaise le tausiaina o loʻu toʻalua maʻi i le itu i le tino ma le mafaufau.”​—Jill.a

“Na tuua aʻu e loʻu toʻalua, ma na tatau ona ou tausia aʻe laʻu fanau e toʻalua. Na faigatā le avea ai o se matua nofo toʻatasi. E lē gata i lea, na leai saʻu galuega ma e leʻi mafai ona maua se tupe e toe laisene ai laʻu taavale. Na ou lē iloa po o le ā le mea a fai ma na matuā lofitūina aʻu i le popole. Na ou iloa e sesē le taumafai e pule i le ola, o lea na ou ʻaiʻoi atu ai i le Atua ina ia ou oti.”​—Barry.