Parataiso Fou i le Lalolagi

VAAI atu i na laau uumi, ma fugalaau mananaia ma mauga maualuluga. Pe e le matagofie ea? Vaai pe o faapefea ona ai le aila mai le lima o le tamaitiiti. Ma vaai atu i leona ma solofanua na e tutu mai i le mea o loo ola ai mutia. Pe e te le fia ola i se fale i se nofoaga faapenei?

E finagalo le Atua e te ola e faavavau i se lalolagi parataiso. Ma e le manao o ia e te mauaina le tiga ma maʻi o loo pagatia ai tagata i aso nei. O le folafolaga lenei a le Tusi Paia mo i latou o le a ola i le parataiso fou: ‘O le a faatasi pea le Atua ma i latou. O le a le toe i ai se oti po o se tagi po o se tiga. Ua mavae atu mea tuai.’

O le a tagai i ai Iesu o nei suiga matagofie o le a oo mai. Pe e te iloaina o a fea? Ioe, pe a mavae ona ia faamamāina le lalolagi mai i mea leaga uma lava ma tagata leaga. Manatua a o i ai Iesu i le lalolagi na ia faamaloloina le tele o ituaiga o maʻi uma ma toe faatutu mai e na oti. Na fai e Iesu nei mea e faaalia ai mea o le a ia faia pe a fai o ia ma Tupu i le malo o le Atua.

Sei mafaufau i le manaia o le a i ai i le parataiso fou i le lalolagi! O Iesu faatasi ai ma e na te filifilia, o le a pule mai le lagi. O nei pule o le a tausia uma tagata i le lalolagi, ma vaai i ai ua fiafia i latou. Sei o tatou vaai po o le ā tatou te faia e faamautinoa ai o le a aumaia e le Atua le ola e faavavau i a i tatou i lana parataiso fou.