Faasalalauga

O le “oo mai” o le Malo o le Atua o le a sili atu lona uigā mo tagata na i lo so o se isi lava mea na tupu i le talafaasolopito. O le pogai lea e manaomia ai ia i tatou uma lava ona malamalama lelei i le Malo.

Ua fiafia lava Molimau a Ieova latou te talanoaina lenei mataupu faatasi ma oe, e leai se totogi, i tulaga faaleaiga po o tagata taitoatasi. Tau lava o lou tusi atu i le Watch Tower i le tuatusi mo lou lava atunuu, e pei ona lisiina i le itulau mulimuli o lenei tusi, e talosagaina ai lena talanoaga faale-Tusi Paia. O le a faia ni fuafuaga mo se Molimau taʻuagavaaina e asiasi atu ia te oe ma fesoasoani atu ia te oe ina ia e malamalama lelei i le Malo.

E faitau miliona tagata i vaega uma o le lalolagi ua faamanuiaina i lenei galuega e leai se totogi. E te mafai foi ona mauaina tali faamalie loto e fesoasoani atu ai ia te oe e atiina aʻe lou faatuatua i le malo o le Atua.

Pe e te fia faitau ea i le Afioga a le Atua i le faa-Peretania ua faaliliuina saʻo ma e faigofie ona malamalama ai? Ua sili atu nei i le 68,000,000 kopi o le “New World Translation of the Holy Scriptures” ua maeʻa ona lolomiina. E mafai ona e talosagaina sau kopi o lenei Tusi Paia, i le tusi atu i le Watch Tower, i se tuatusi e talafeagai i le isi itulau.