Vaega 6

Faiga Faaleituaiga ma Amioga Tatau

O le toʻatele o talavou o le a lē taumatea le muaʻi suʻe atu i le vaega lenei o le tusi. Aiseā? Talu ai e leai lava se isi mataupu e sili ona tele fesili e mapuna aʻe ai ma le tele o fefinauaʻiga—ma le fenuminumiaʻi—e pei o faiga faaleituaiga ma amioga tatau. Peitaʻi, o amioga tatau, e aafia ai ma nisi mea ae lē na o amioga faaleituaiga. O se faataʻitaʻiga, pe mafai ona e taʻua se talavou e iai amioga tatau pe afai e pepelo ma e faitogafiti? Pe iai ea ni tulaga e lelei ai le lē faamaoni? O se tulaga e faafetai ai, ua aumaia e le Tusi Paia ia i tatou nisi o taʻiala tuusaʻo ma le aogā e uiga i nei mataupu e faatatau i amioga tatau.