E Leaga Faiga Faamaneta ma Faiga Faataulāitu

E manaʻo Satani e te faia faiga faamaneta. E toʻatele latou te faia taulaga i tuaa po o agaga ina ia puipuia ai i latou mai le faaleagaina. E latou te faia lenei mea talu ai latou te matataʻu i mana mai nofoaga o agaga. E latou te mamaina ni mama pe taulimaina ni taulima faamaneta. E latou te inuina pe nini o latou tino i ni “vai” e manatu o loo iai ni mana faamaneta. I totonu o o latou fale po o fanua, e nanā ai e nisi tagata ni mea e talitonu o loo iai ni mana e puipuia ai. O isi latou te faaaogāina “vai” faamaneta talu ai latou te talitonu o le a ala mai ai le manuia i le pisinisi, suʻega i aʻoga, po o se faauōga ma le faamoemoe ina ia faaipoipo.

O lou puipuiga sili faasaga ia Satani o le avea lea o Ieova ma au uō. E sili mamao atu ona malolosi Ieova le Atua ma ana agelu na i lo Satani ma ana temoni. (Iakopo 2:19; Faaaliga 12:9) O loo naunau Ieova e faaali atu lona malosi mo ana uō​—i latou o loo faamaoni atoatoa atu ia te ia.​—2 Nofoaiga a Tupu 16:9.

Ua faapea mai le Afioga a le Atua: “Aua foi le fai togafiti faataulāitu.” E taʻusalaina e Ieova faiga faamaneta ma faiga faataulāitu, talu ai o na faiga e mafai ona tuuina atu ai se tasi e pulea tuusaʻo e Satani le Tiapolo.​—Levitiko 19:26.