Pese 10
O Aʻu Lenei! Ia Auina Atu Aʻu
Maua le Lomiga Lolomi
1. Faaluma e tagata
Le suafa o Ieova.
Fai mai o ia e sauā,
Pe “E leai se Atua.”
O ai na te viiaina
Le suafa o Ieova?
“Ia auina atu aʻu.
Ou viiga, ou te usu.
(TALI)
Maʻeu se tofiga mamalu.
Auina atu aʻu.”
2. Fai mai ē amioleaga
E faatuai le Atua.
Latou te ifo i tupua
Ma faasilia Kaisara.
O ai na te talaʻia
Le taua tele a Ieova?
“Ia auina atu aʻu.
Ou te lapataʻi atu.
(TALI)
Maʻeu se tofiga mamalu.
Auina atu aʻu.”
3. Feoi ma mapuitigā
Uma i mea inosia.
O ē lotofaamaoni
Ua saʻilia upu moni.
O ai na te avatua
Le faamāfanafana?
“Ia auina atu aʻu
I tagata agamalu.
(TALI)
Maʻeu se tofiga mamalu.
Auina atu aʻu.”
(Tagaʻi foʻi i le Sala. 10:4; Eseki. 9:4.)