O Iʻuga Leaga Ina ua La Faalogo iā Satani

E leʻi usiusitaʻi Atamu ma Eva i le Atua, ma na feoti ai. Kenese 3:6, 23

Na faalogo Eva i le gata ma ʻai le fua o le laau. Ona ia avatu foʻi lea iā Atamu ma ʻai ai o ia.

E sesē le mea na la faia—​o se agasala. Na tutuliese i laʻua e le Atua mai i lo la aiga Parataiso.

Na faigatā le olaga mo i laʻua ma a la fanau. Na ola matutua i laʻua ma feoti. E leʻi ō i le lagi, ma ua lē o toe iai.

O ē ua feoti ua toe foʻi i le efuefu. Kenese 3:19

Ua tatou feoti ona o i tatou uma e tupuga mai iā Atamu ma Eva. O ē ua oti e latou te lē iloa, pe lagona ma faia se mea.—Failauga 9:5, 10.

E leʻi finagalo Ieova ia feoti tagata. E lē o toe umi ona faatutūina mai lea e Ieova o i latou ua maliliu. Pe afai e latou te faalogo iā te ia, o le a ola e faavavau.