VAEGA 8

O Aogā e Tatou te Maua Mai i le Maliu o Iesu

Na maliu Iesu ina ia tatou maua ai le ola e faavavau. Ioane 3:16

O loo vaavaai atu ni fafine i le tuugamau o Iesu ua avanoa

I lona tolu o aso talu ona maliu Iesu, na asiasi atu ai ni fafine i lona tuugamau ma iloa ai ua leai se isi o iai. Na toe faatūina e Ieova Iesu mai le oti.

Na faaali atu Iesu i ona aposetolo, ma mulimuli ane afio aʻe i le lagi

Na mulimuli ane faaali atu Iesu i ona aposetolo.

Na toe faatūina e Ieova Iesu, e soifua e faavavau i le lagi. Na vāai soo o Iesu o afio aʻe o ia i le lagi.

Na toe faatūina e le Atua Iesu, ma faia o ia ma Tupu o Lona Malo. Tanielu 7:13, 14

E pule mai Iesu i tagata i le parataiso i le lalolagi mai i lona nofoālii i le Malo

Na foaʻi mai e Iesu lona ola e fai ma togiola mo tagata. (Mataio 20:28) Ua faia e le Atua lenā togiola ina ia tatou maua ai le ola e faavavau.

Na tofia e Ieova Iesu e fai ma Tupu e pule i le lalolagi atoa. O le a faatasi ma ia tagata faamaoni e 144,000 mai le lalolagi, o ē ua toe faatutūina e ola i le lagi. O Iesu ma le 144,000, ua faia aʻe ai se pulega amiotonu i le lagi, o le Malo lea o le Atua.—Faaaliga 14:1-3.

O le a faia e le Malo o le Atua le lalolagi e avea ma parataiso. O le a lē toe iai ni taua, solitulafono, mativa ma le fia aai. O le a matuā olioli tagata uma.—Salamo 145:16.