Faatomuaga o le Vaega 5

Ina ua mavae le lua masina talu ona sopoʻia e tagata Isaraelu le Sami Ulaula, ona latou taunuu ai lea i le mauga o Sinai. O i inā na osia ai e Ieova se feagaiga ma i latou ina ia avea i latou ma ona nuu faapitoa. Na ia puipuia i latou, ma saunia mea uma na latou manaʻomia e pei o le manai e aai ai, o ofu e leʻi pala ma masaesae, ma nofoaga saogalemu e tolauapi ai. Pe afai o oe o se matua, ia fesoasoani i lau tama ina ia malamalama i le māfuaaga na saunia ai e Ieova le Tulafono mo tagata Isaraelu, le faleʻie paia, ma le faiva faaositaulaga. Ia faamatilatila le tāua o le tausisi i a tatou upu, ia tumau i le lotomaulalo, ma faamaoni pea iā Ieova.