Faatomuaga o le Vaega 10

O Ieova o le Tupu i le aoao o mea. O ia lava e iai le pule, ma o le a faaauau ona ia faia faapea. O se faataʻitaʻiga, na ia laveaʻia Ieremia mai i se lua e oti ai. Na ia faasaoina Sataraka, Mesako, ma Apeteniko mai i se ogaumu aasa, faapea Tanielu mai i gutu o leona. Na puipuia e Ieova Eseta, ina ia mafai ona ia laveaʻiina lona nuu atoa. E na te lē tuuina pea le amioleaga ia faaauau ona iai. O valoaga e faatatau i le faatagata telē ma le laau telē, ua faamautinoa mai ai e lē toe umi ona aveesea lea e le Malo o Ieova o mea leaga uma, ae pule mai i le lalolagi.