PUSA E AʻOAʻO AI 21A
“O le Foaʻi e Ao Ona Outou Tuuesea”
Seʻi o tatou mulimuli iā Esekielu, a o ia vaavaai totoʻa i le laueleele na tuuesea e Ieova. Na vaevaeina lenā laueleele i ni vaega se lima. O ā na vaega ma o latou fuafuaga?
A. “Le Foaʻi”
O lenei vaega na tuuesea mo le pulega.
E. “Le Foaʻi Atoa”
O lenei vaega na tuuesea mo ositaulaga, le ʻau sa Levī, ma le aai. Na ulu atu tagata mai i ituaiga uma e 12 i lenei laueleele ina ia tapuaʻi iā Ieova ma lagolagoina le pulega.
I. “Le Fanua o le Taʻitaʻi”
“E fai lea fanua o Isaraelu ma ona tofi.” “O le fanua o le taʻitaʻi.”
O. “Le Foaʻi Paia”
Na taʻua foʻi “o se vaega paia.” O le fanua pito i luga na tuuesea “mo le ʻau sa Levī” ma “o se mea paia.” O le fanua i le ogatotonu, o le “foaʻi paia mo ositaulaga.” Na tuuesea e “fai ma mea e fausia ai o latou fale ma o se mea paia e fausia ai le malumalu.”
U. “Le Fanua o Loo Totoe”
O lenei vaega o le a fai “mo le aiga uma o Isaraelu” ma “o le a faaaogā e tagata o le aai e nonofo ai ma fafaga ai lafumanu.”