SUʻESUʻEGA 12

Māfana ma Faalogona

1 Tesalonia 2:7, 8

AOTELEGA: Ia tautala ma faalogona moni ma faaalia lou manatu mamafa i lau aofia.

Manatunatu i lau aofia. Ia sauniunia lou loto e ala i le manatunatu i faafitauli o loo latou fesagaʻia, ma taumafai e faaāta o latou faalogona.
Filifili lelei au upu. Ia faafouina, faamāfanafana ma faamalosia lau aofia. ʻAlofia ni faamatalaga e ono faatigā ai iā i latou, ma aua neʻi taʻu faatauvaaina ē e lē talitonu ma o latou talitonuga.
Faaalia lou naunau i lau aofia. Ia faailoa i lau aofia lou manatu mamafa iā i latou, e ala i se leo malū ma tāga talafeagai. O ou foliga vaaia e faaalia ai lou naunau i lau aofia, o lea ia mataʻataʻata.

Aua le faamalosia pe soona faamamafa naʻuā ni faalogona. Ia faitau ma faalogona, ae aua le faauaʻi mai le manatu o le aofia iā te oe lava. Ia taumafai e tautala i se auala agamalu ma alofa.