TOE ASIA LE TAGATA
LESONA 7
Finafinau
Mataupu silisili: “Ua lē aunoa ona latou aʻoaʻo atu . . . ma folafola atu le tala lelei.”—Galu. 5:42.
Mea na Faia e Paulo
1. Ia matamata le VITIŌ, pe faitau le Galuega 19:8-10, ona manatunatu lea i fesili nei:
a. Na faapefea ona finafinau Paulo e fesoasoani i ē na fiafia, nai lo o le faavaivai ina ua feagai ma teteega?
e. O le ā le tele na toe foʻi ai Paulo e aʻoaʻo ē na fiafia, ma o le ā le umi na ia faia ai faapea?
O le ā e Tatou te Aʻoaʻoina Mai iā Paulo?
2. E manaʻomia le taimi ma taumafaiga ina ia tatou taulau manuia ai i le faia o toe asiga, ma amata ni suʻesuʻega faale-Tusi Paia.
Faaaʻoaʻo iā Paulo
3. Fetuunaʻi lau faasologa e fua i le tulaga o le tagata. Ia fesili ifo: ʻO le ā le taimi ma le nofoaga e sili ona talafeagai ma le tagata e faafesootaʻi ai o ia? O afea ma o fea e sili ona talafeagai e fai ai se ma talanoaga?’ Ia nofosauni e toe asia o ia, e tusa pe e lē talafeagai lenā taimi ma oe.
4. Faatulaga se taimi e toe asia ai. Pe a māeʻa talanoaga taʻitasi, ia taumafai e faamautū se taimi maʻoti e toe asia ai le tagata. Ia faamautinoa e te tausisi i le lua fuafuaga na fai.
5. Ia iai pea se vaaiga saʻo. Aua e te vave manatu e lē fiafia le tagata ona e seāseā maua atu i le fale pe ona e pisi foʻi. (1 Kori. 13:4, 7) Ia taumafai pea ina ia maua le tagata, ma ia faamautinoa foʻi o loo faaaogā tatau lou taimi.—1 Kori. 9:26.