O le Soifuaga o Iesu ma Lana Faiva

O Popo Fou o le Soifuaga Faaleaiga o Iesu

Ina o tuputupu aʻe Iesu i Nasareta, ua na o sina aai itiiti, e faaletaua. E i le vaega e maugā o le nuu, o se vaipanoa e taua o Kalilaia, e le mamao mai le Vanu o Isaraelu.

Ina ua tusa pe a ma le lua tausaga o Iesu, sa aumaia ai o ia i nei i Aikupito faatasi ai ma Iosefa ma Maria, ua na o ia lava le tama a Maria. Ae peitai e lei umi ona faapea. Mulimuli ane, ona fananau ai lea o Iakopo, Iosefa, Simona ma Iuta, ma sa avea foi Maria ma Iosefa o ni matua i tama teine foi. E foliga mai, a itiiti ifo, e toa ono uso ma tuafafine o Iesu.

Sa i ai foi isi aiga o Iesu. Ua uma ona tatou iloa lona tausoga matua o Ioane, o loo nofo i maila e tele le mamao i Iutaia. A e o loo nofo latalata ane i Kalilaia, Salome, o le uso moni o Maria. Na faaipoipo Salome ia Sepetaia, ma ua avea nei la laua fanau tama e toalua o Iakopo ma Ioane ma tausoga o Iesu. Tatou te le ma iloa pe na faaaluina e Iesu se taimi tele ma nei tama ina o ia tuputupu aʻe, mulimuli ane sa avea i latou ma aumea vavalalata, e pei ona o le a tatou vaai i ai.

E tatau ona galue malosi Iosefa ina ia tausia lona aiga ua faatoateleina. O ia o se kamuta. Sa tausia e Iosefa Iesu e pei o sona lava atalii, o le mea lea ua taʻua ai Iesu o le ‘atalii o le tufuga.’ Sa aʻoaʻo e Iosefa Iesu ina ia avea foi ma kamuta, ma sa lelei lona taliaina. O le mafuaaga lena na fai mai mulimuli ane ai tagata ia Iesu, ‘O ia lenei o le tufuga.’

O le olaga o le aiga o Iosefa e atiae i le tapuaiga ia Ieova le Atua. I le tausia o le tulafono a le Atua, sa tuuina atu e Iosefa ma Maria faatonuga faaleagaga ia la fanau ‘pe a latou nonofo i le fale, pea a savavali i le auala, pea taooto, pe tutu i luga.’ E i ai le sunako i Nasareta, ma tatou te mautinoa sa ave foi e Iosefa e le aunoa lona aiga e tapuai ai i ina. Ma le leai o se faaletonu o lo latou fiafiaga sili o le malaga e le aunoa i le malumalu o Ieova i Ierusalema, lea o le a tatou talanoaina i le isi a tatou lomiga. Mataio 13:55, 56; 27:56; Mareko 15:40; 6:3; Teuteronome 6:6-9.

◆ E toafia uso ma tuafafine laiti o Iesu, ma o ai igoa o nisi o i latou?

◆ O ai tausoga lauiloa e toatolu o Iesu?

◆ O le a le galuega masani a Iesu?