Soifuaga o Iesu ma lana Faiva

Tali atu i E na Molia o Ia

O LE Aso Sapati. Ua faamaloloina e Iesu le tagata na maʻi mo le 38 tausaga. Ae ua molia o ia e taʻitaʻi lotu Iutaia i lona solia o le Sapati. Ua tali atu Iesu: “O loo galue loʻu Tamā e oo mai lava i le aso nei; o loo galue foi aʻu.”

E ui i le tuuaiga a le Au Faresaio, a o le galuega a Iesu e le o le ituaiga lea o galuega e faasaina e le tulafono o le Sapati. O lana galuea o le talai ma le faamaloloina, o se tofiga mia le Atua, ma i le faataʻitaʻi i le faaaʻoaʻoga a le Atua, na ia faia ia i lea aso ma lea aso. A e peitai, o lana tali na sili ai ona feitai tagata Siu i se tulaga e sili atu ai nai lo muamua, ma ua latou saili ai e fasioti ia te ia. Ai se a?

Ona ua le gata ina latou talitonu nei ua solia e Iesu le Sapati a e ua latou manatu i lona faapea mai o ia o le Alo totino o le Atua o se upu vale lea. A e peitai, e lei fefe ai Iesu a e na tali atu atili ia te i latou e faatatau i le faiā mafana a ia ma le Atua. “Auā o loo alofa le Tamā i le Atalii,”ua ia fetalai mai, “ua faaali mai foi ia te ia mea uma lava e faia e ia.”

“Auā faapei ona toe faatutū ma faaola e le Tamā i e ua oti,” ua faauau atili Iesu, “e faapea foi ona faaola e le Atalii o ilatou ua i loto i ai.” O le mea moni, ua uma ona faatutuina e le Atalii e na oti i se auala faaleagaga! “O le faalogologo mai i laʻu upu, ma talitonu ia te ia n na auina mai aʻu,” ua fetalai ai Iesu, “ua oo atu i le oa, sa i le oti.” Ioe, sa ia faaauau atili, “e oo i le aso, ua oo nei foi i ai, e faalogo mai ai e ua oti i le leo o le Atalii o le Atua; o e faalogo ai foi, e ola ai i latou.”

E ui lava e oo ane i lena taimi, e leai se faamaumauga faapea na faatuina faaletino se tasi e Iesu mai le oti, a e na ia taʻu atu i e na molia o ia faapea o le a i ai sea toetu moni faaletino o e ua oti. “Aua tou te ofo i lenei mea,” ua ia faapea atu, “auā e oo mai le aso e faalogo ai i lona leo o i latou uma ua i tuugamau, ma latou ō mai ai.”

E oo ane i lena taimi, e lei faapea muamua ona faailoa atu e Iesu i e lautele le faamatalaina o lana vaega taua i le fuafuaga a le Atua i se auala e sili ona maoti ma tuusaʻo. Peitai o e na molia Iesu e sili atu tulaga na latou iloa e uiga i nei mea na i lo na o le molimau a Iesu. “Na outou aauina atu nisi ia Ioane,” ua faamanatu atu e Iesu ia i latou, “na na molimau foi i le upu moni.”

E na o le lua tausaga ua mavae na faailoa atu ai e Ioane le Papatiso i nei taʻitaʻi lotu Siu e uiga i Le maliu mai e mulimuli mai ia te ia. I lona faamanatu au ia i laotu e uiga i lo latou anatu siitia na i ai e uiga ia Ioane o le ua tuuina nei i le falepuipui, sa fetalai atu Iesu: “Sa outou loto foi i nai i si aso e olioli i lona malamalama.” Sa toe faaamanatu atu e Iesu lenei mea i o latou mafaufau ona o le faamoemoe atonu e fesoasoani ai, ioe, ia faasaonia, i latou. Peitai, e lei faalagolago o ia i le molimau a Ioane.

“O galuega lava ia ou e faia, [e aofia ia ma le vavega na sei faaota mavae ona ia faia] e molimau mia ia ia te aʻu ua auna mai aʻu e le Tamā.” A e ese ai mai i lena, ua faaauau atili Iesu: “O le Tamā foi na auina mai aʻu, o ia lava ua molimau ia te aʻu.” Sa molimau le Atua ia Iesu, mo se faataʻitaʻiga, i lona papatisoga, ua faapea mai: “O loʻu atalii pele lenā, ua ou fiafia lava ia te ia.”

O le mea moni, o e na molia Iesu e leai lava se faamolemolega o lo latou teena o ia. O Tusi lava ianalatou faapea mai e suesue i ai o loo molimau ia te ia! “Auā afai ana outou talitonu ia Mose, po o ua outou talitonu mai ia te aʻu,” ona faaiu lea e Iesu ana upu, “auā na tusia aʻu e ia. A e afai tou te le talitonu i ana tusi, pe faapefea ona outou talitonu i aʻu upu?” Ioane 5:17-47; 1:19-27; Mataio 3:17.

◆ Ai se a e lei faaleaogaina ai le Sapati i galuega a Iesu?

◆ Ua faapefea ona faamatalaina e Iesu le taua o lana vaega i fuafuaga a le Atua?

◆ Ina ia faamaonia o ia o le Alo o le Atua, o ai na faasino tonu i ai le molimau a Iesu?