Le Tauiviga mo le Pule Faalekelope—O Ai O le a Manumalo?

“O LE sini autu o Rusia o le faamalosia lea o i matou e tuuese S.D.I. [Strategic Defense Initiative (“Star Wars”)] Ou te manatu . . . e malamalama Mr. Gorbachev e leai so matou faamoemoe e faia faapea.” O le faamatalaga lea a le Peresitene Amerika o Reagan ina ua uma le fonotaga i Sineva ia Novema 1985.

E pei ona e silafia talu mai lea tausaga o loo faaauau pea le fetaʻenaiga i le va o nei malo malolosi sili. Petiaʻi e toatele atunuu e malilie pe tiga alofa i ai, i le fausia aʻe o le itu i Sasae (faapitoa i vaega komunisi) ma Sisifo (masani o vaega tau tamaoaiga). Ua avea ai la lenei mea ma tauiviga mo le pule faalekelope. O lea ua aafia ai oe. E le gata i lea, o nei tauiviga mo auupega ua faatumauina ia le mataʻu i se taua malosi sili, faamataʻuina ia lou lumanai—tusa lava po o e soifua i se atunuu e lē faaituʻau.

E tatau la, ona e naunau i le iʻuga o le tauiviga mo le pule. Pe o le a i ai ea se vaifofo filemu? Afai e leai, o ai o le a manumalo? O lou iloa o lena mea e mafai ona aafia ai lou lumanai.

Na Faapea Ona Amata

O le tele o tusi i talafaasolopito faaonaponei ua fautuaina ai faapea o feteʻenaiga i le taimi nei i le va o Sasae ma Sisifo na amata ina ua faatoa uma le Taua e ll a le Lalolagi. Peitaʻi, ua faaalia e talafasolopito o le Tusi Paia faapea o le faaauau o le tauiviga mo le taʻitaʻiga o le lalolagi na amata ua toeitiiti atoa le 2,300 tausaga ua mavae.

Afai na e faitauina le talafaasolopito o Eleni anamua, e te iloa ai o Alesana le Sili na ia faia lea nuu o se emepaea. O lenei mea na valoia e le perofeta o le Tusi Paia o Tanielu. E moni e tusa ai ma le valoaga, ina ua mavae le maliu o lena “tupu malosi” i le 323 T.L.M., na iʻu ina mulimuli ane “vaevaeina i matagi e fa” le emepaea—e aofia ai ma ona taʻitaʻi ʻau e toafa. (Tanielu 11:2-4) O le tasi o i latou, o Seleucus l Nicator na ia pulea Suria ma Mesopotamia—o oganuu o le itu i matu ma sasae o le nuu o Tanielu, o Iuta. O le isi taʻitaʻi ʻau Eleni o Ptoleny Lagus, na ia pulea Aikupito ma Palesitina, sa nofoi ai o ia i le itu i saute ma sisifo o le pulega a Seleucus Nicator. O ō la tulaga fetaui na avea ai i laua ma “tupu o le itu i matu” ma le “tupu o le itu i toga,” i le tulaga faatatau.—Tanielu 11:5,6.

O “matu” ma “toga” na avea ma tulaga faafaatusa o nuu malolosi na latou fataunuuina nisi o galuega faavaloaga faapitoa.a I le faagasologa o senituri, o nuu eseese sa latou tutu o “tupu” e toalua; peitaʻi o nei nuu e masani ona fetaui ma faailogavaaia faavaloaga. E masani lava ona iloa i latou ona o a latou feteʻenaʻiga a o latou pulea oganuu e fesoʻotai ma le itu i matu ma le itu i toga o i laua lava.

I aso nei o ia tulaga ua talafeagai ma taʻu “Sasae” ma “Sisifo.” O nei upu, o ni faaupuga faafaatusa, talu ai e sosoʻo oganuu. O taʻu faale-Tusi Paia o “matu” ma “toga” o ni faatusa talafeagai e ui ina i ai o la uiga sosoʻo.

Le Atua o “Tupu o le Itu i Matu”

A o vaavaai atu i “ona po o le iuga,” na faapea mai Tanielu o “le tupu o le itu i matu” o le a na “faasili ia te ia i atua uma,” ma na te “le manatu” i le “Atua o ona tamā.” Na i lo lea na te avatu le mamalu i “le atua o ʻolo . . . ma avatu i ai auro . . . ario . . . maa tāua . . . ma mea matagofie” a o leʻi “oo atu i lona iuga.”—Tanielu 11:35-39,45.

Ona o lona lē talitonu o “le tupu o le itu i matu” i ona po nei ua teʻena le soifua pea o le Atua ma ua masani ona taofia lotu. E sili ona faalagolago o ia i mea tau ma fitafita faaauupegaina na i lo isi auala e faamalosia ai aafiaga faavaomalo. O lea na te faaaogāina le tele o ona alaga manuia tautupe e “avatu ai le viiga” i le “atua o ʻolo.” I le faatusatusaga, a o faaviviia e le “tupu o le itu i toga” e ma tau ma le malosi o auupega sa ia amanaiaina isi atu, ma o le toatele o ona tagata sa i ai o latou aafiaga malolosi faalelotu.

Le Tauiviga Faaonaponei Mo le Pule

I le faamatilatilaina o mea tutupu i o tatou aso, ua faapea mai ai le valoaga: “A oo i ona po o le iuga, o na sii atu lea ia te ia [i le tupu o le itu i matu] o le taua e le tupu o le itu i toga; e pei se afā ona oso atu ia te ia [ma auupega o taua] ma le tupu o le itu i matu na te oo atu foi i nuu, ma lolofi i ai, ma ui ane ai.”—Tanielu 11:40.

Atonu ua e matauina talu mai le Taua ll a le Lalolagi o talitonuga ma le pulega a le “tupu o le itu i matu” ua salalau atu i le tele o oganuu, e ui i taua na faia e puipui ai lenei mea. O le mamao e manuia ai i le ‘oo atu i nuu ma lofia ai ma ui ane ai’ e i ai se taimi e iloa ai; peitaʻi o le “tupu o le itu i toga” i ona po nei o loo taumafai e taofia ana taumafaiga maoae i totonu o le lalolagi ua ua taʻua o le lalolagi saʻoloto. O lea o nei itu teteʻe ua auai i “se afā ona oso atu” ua tupu aʻe nei e avea ma auupega faasilisilia ma tauvaga i mea tau o le vateatea. I lea lava taimi, ua tuuaʻia e le tasi le isi ona o le manao e pulea le lalolagi.

Na faapea mai atili Tanielu: “E pule o ia [le tupu o le itu i matu] i oloa . . . ma mea matagofie uma o Aikupito; e mulimuli atu foi ia te ia o Lipua ma Aitiope.” (Tanielu 11:43) O lenei mea atonu e faasino i malosiaga faaletino; ma le “tupu o le itu i matu” o onapo nei o loo ona pulea oganuu ma le anoanoaʻi o malosi faaminerale, e aofia ai le suauʻu. E i ai foʻi ana faatosinaga malolosi i nuu i fafo atu o lana pulega o i ai ia malosi sili faalenatura. E i ai se mafuaaga mo i tatou uma lava e tulimataʻi ai ma le naunau pe o le ana maua se pulega e sili atu o nei mea ma o le ā le mamao o le a oo atu i ai ana faatosinaga tau tamaoaiga.

O Ai o le a Manumalo?

O le ā o loo taofiofia nei ‘tupu’ mai le faia o se taua faaiʻu tuusaʻo? E tasi le mea moni autu ona o lo latou matataʻu i le mataʻutia o a latou auupega faaniukelea. Ua latou manatu e faia ni maliega e ui lava o nei mea e seāseā faamamaluina. E pei ona valoia mai e Tanielu: “La te tala pepelo i le laoai e tasi; a e le manuia ai, auā e oo lava i le iuga i ona po ua atofaina ai.”—Tanielu 11:27.

O lea o le a faapena foʻi ona e fia iloa. O le ā le mea o le a tupu i le iʻuga? Pe o le a la malilie i se filemu tumau i le iʻuga? E tusa ai ma le Afioga a le Atua, o le tali i nei fesili uma, o le Leai! Ai se ā? Auā o se tupu lona tolu o le a faatoilaloina i laua a e ia pulea le lalolagi. O lea, o le a i ai se suiga i pulega a le lalolagi—ua toeitiiti oo mai!

[Faaopoopoga i lalo]

[Ata i le itulau 4]

MALOSI FAAVAEGAʻU A ATUNUU TETELE MA VAEGA

Auupega faaniukelea

50,000

Vaegaau o tagata

11,913,000

Vaatau

1,350

Vaalele laʻu pulu ōō ma vaalele tau

20,100

Tane tau

95,800