Pe e te Popole e Uiga i Lau Fanau?
IOE e te popole! O faamaʻi, o vailaau faasaina, ma le amioleaga o tamaiti ua na o ni faafitauli se tolu na o loo e silafia ua lamatia ai lau fanau. O se mea e masani ai mo mātua ona manatu mamafa e uiga i a latou fanau— pe oo foʻi ina popole e uiga i a latou fanau—pe oo foʻi ina popole e uiga ia i latou.
O le lagona lava lena sa i le tele o mātua i le faagasologa mai o le talafasolopito, e pei ona faaalia mai i le Tusi Paia. Ia manatua foʻi na auina atu e Iakopo Iosefa e asia ona uso auā sa manatu mamafa tele Iakopo ia i latou. (Kenese 37:13, 14) Sa popole foʻi Iopu ia, e tusa lava pe sa matutua lana fanau, ma fai ō latou lava aiga. Sa ia manatu: “Atonu ua agasala oʻu atalii, ma faifai i le Atua i o latou loto.”—Iopu 1:4, 5.
Ioe, e oo lava ia Iosefa ma Maria sa manatu mamafa e uiga i la la tama lelei atoatoa o Iesu! O le mea moni, i se tasi faatasiga ina ua 12 tausaga o Iesu, sa la matuā popole lava e uiga ia te ia, auā sa la iloa ua leiloa o ia. A e ui i lea, o le la tama o Iesu o se viiga mo i laua, ma sa leai se mafuaaga e maasiasi ai i laua. Seʻi tatou vaai totoʻa po o le ā na tupu i lena sauniga lē faagaloina i loto ma manatunatu po o ā ni lesona e mafai e mātua i aso nei ona maua mai ai.
O se Atalii na Leiloa
Afai o oe o se matua, atonu o le a ia te oe foʻi le faalogona faanoanoa lea na ia Maria ina ua ia otegia Iesu i lona faapea atu: “Laʻu tama e, ai se ā ua e fai ai lenei mea ia i maʻua? Sa matuā popole lava i maʻua ma lou tamā i le taumafai e saili ia te oe.” E tolu aso na valavala ai Iosefa ma Maria mai ia Iesu. Ua e talisapaia nei la pe ai se ā na la popole tele ai i le mea sa i ai lenei tama e na o le 12 ona tausaga.—Luka 2:48, Today’s English Version.
Ai se ā na leiloa ai Iosefa ma Maria Iesu? Sa faitioina i laua e se tagata fai upu lauiloa ona o lenei mea, i lona tusi mai: “I lo la iloa faapea ua ia i laua se ʻoa tāua, a e ua faapefea ona la faatali umi e aunoa ma le vaai i ai? O fea sa i ai lagona loloto ma popolega faatinā?” Peitaʻi o le mea moni, e pei ona o le a tatou vaai nei i ai, o faaiʻuga manino o lenei faamatalaga ua taʻu mamāina ai Iosefa ma Maria mai lenei tuuaʻiga matuiā.
O le mea moni ua faaalia mai i le Tusi Paia faapea o Maria o se fafine mamā o se tinā lelei. Ina ua sau le agelu o Kaperielu e valoia le afio mai o Iesu na ia faapea atu “ua alofaina mai oe e le Atua.” (Luka 1:28, 30) Sa ia talia ma le loto atoa lona tofiga o le fanauina o lenei tamaitiiti faaletagata faapitoa, faatasi ma le avega tauave mamafatū o le tausia ma aʻoaʻoina o ia. Sa avea o ia o se fafine loto maulalo ma e faatuatua malosi i le Atua. Ina ua mavae le fanau mai o Iesu, na ia faia mea uma e manaomia e le Tulafono a Ieova, “e pei ona tusia.”—Luka 1:38, 45-48; 2:21-23, 39.
O Iosefa, le tamaloa na faaipoipo ia Maria ma na avea ma tamāfai o Iesu, o ia foʻi o se tagata mamā, ma le amiotonu o lē na fesootaʻi ma le agelu a Ieova i ni tulaga se fa. (Mataio 1:19, 20; 2:13, 19, 22) Manatua, na filifilia e Ieova Iosefa ma Maria la te tausia Lona Alo pele e toatasi. Pe sa faatauvaa ea Lona Alo pele e toatasi. Pe sa faatauvaa ea le mea na faia e le Atua i lona filifilia o se ulugalii o ē o le a faia le mea sili e fesoasoani atu ai i lenei atalii ia tupu aʻe i le poto tauatua?
E moni, e popole faapena mātua o aso nei i a latou fanau ona o le mataʻutia o amioga leaga a tamaiti o loo siomia ai i latou. Ma ua latou iloa o a latou fanau e lē pei o Iesu sa lelei atoatoa. A e mafai pea lava ona tatou maua aogā mai le faaaʻoaʻoga a Ioefa, Maria, ma Iesu.