O le Sailiga mo ni Uo Moni

NA MATUĀ manuʻa leaga lava se tama talavou i se faalavelave na tupu i se uila afi. Sa ia lē iloa se mea moni nai vaiaso, ma na toe auauaʻi mai ai lona malosi. “Ana faapea sa toatele ni aʻu uo lelei na i ai e pei o le toatele lea sa ou masani atu i ai, semanū e vave lava ona ou toe malosi,” na ia fai mai ai. ‘O le tele lava o uo sa ou faia a aʻo leʻi tupu le faalavelave ia te aʻu na latou tuua aʻu. A e peitai, o uo lelei e mafai ona malōlō ai.’

O lenei tulaga ua moni lelei lava lea e tus aai ma le lalolagi lē faauo i aso nei. E mafai lava ona toatele uo pe a solog lelei mea uma. A e a tutupu mai loa mea lē lelei, ua mou loa. E faigata lava ona maua ni uo moni.

A e peitai, o le i ai o se uo moni mafana se toatasi pe toalua, e matuā tele ai lava sona eseesega e faia i le olaga. Fai mai ni tagata popoto e uiga i le mataupu: “O le matua autū mo o tatou aso, o le naunautai lea ia maua se sootaga mau vavalalata i le faiā faaletagata.” Ma e pei ona fai mai se muagagana anamua: ‘O uo e aogā ia te oe o uo sili na.’

Sa ia ia se taimi na sili ai ona manatu mamafa isi tagta i isi tagata, ma sa mananao e fesoasoani atu ia latou uo po o tuaoi. A e o suiga i le vaitaimi o le Taua l a le Lalolagi, na oo ai i se tulaga e sili ona leaga faiā masani faaletagata. O se uiga lē loto faafetai, o le sauā, ma le manatu o aʻu e muamua, ua matuā taatele nei.

O lenei tulaga faanoanoa o mea na valoia mai i le 19 senituri ua mavae i upu nei: “I aso e gata ai o le a sili atu ai ona faigata mo se tasi ona avea ma Kerisisano. Auā o e a avea tagata ma ē alolofa ia i latou lava ma a latou tupe; o le a faamaualuluga ma gugutu, o le a faatauemu i le Atua, lē usiusitaʻi i o latou mātua, e lē loto faafetai ia ia latou, ma le matuā leaga lava. O le a avea i latou ma e loto maaa ma e lē fia gauaʻi atu i isi; o le a avea i latou o ni tagata pepelo ma faatuputupu leaga, ma o le a leai se manatu mamafa i amioga lē mamā. O le a avea i latou o ni tagata lē alolofa ma le sauā, ma faatauemu ia i latou o taumafai e fai le amio lelei. Latou te faalata i a latou uo.”—2 Timoteo 3:1-4, The Living Bible.

Pagā se puaoa, a e o le ata saʻo lava lena o le lalolagi i aso nei! Ma e mautinoa lava le itiiti o se faamoemoe na te aumaia ia i tatou i le mauaina o ni uo moni. A e ui i lea, o loo mafai lava ona faia nei ni uo moni. Ma maeu lo latou tāua! E mafai lava ona e liliu atu ia i mo se fesoasoani, fautuaga, faamafanafanaga, ma se faauoga mafana. A e, e tāua ona fai se faaeseesega i le va o uo moni ma uo pepelo.

E Lē o “Uo” uma o ni Uo moni

O le tama talavou na lavea i le faalavelave e pei ona taʻua i le amataga, o se sui o le au lakapi ma sa tele ni ana “uo” na i ai. E masani lava ona faavaeia e ni sui o kalapu po o faalapotopotoga laiti ni faiā fiafia. A e peitaʻi, atonu e lē tumau na “faauoga.” Ma o se mea lava e faavaivai ai le tele tele o uo, a e toe ō ese atu e pei ona iloa e le tama talavou.E faigofie ona maua nisi e faamasani i ai; a e faigata ona faia ni uo moni.

E faigofie lava ona tele “uo” a tagata mauoa ma ē maualuluga. E pei ona fai mai le Tusi Paia: “E tele uo a le mauoa.” “E taumafai tagata uma ia alofagia i latou e alii; e uo tagata uma lava ma le tagata matamau.” (Faataoto 14:20; 19:6 Todayʻs English Version) A e pe toafia o i latou e i ia ni uiga lilo? Ma afai ua leai ni oa po ua lē lelei foi ni tulaga o i latou, ia o le a vave lava ona leai ni a latou uo.

E masani foi ona tele “uo” a tagata o i ai ni o latou toisnaga faaletino—o le toatele lava o i latou na taaʻina ona o mea faitino. A e o na “faauoga” e ma fai ona matuā afaina ai ma e mafai foi ona liusuavai e pei o le puao pe a vevela. O lea la e manaomia ai lava ona . . .

Filifili Lelei

Ioe, e i ai le poto i le filifiliga lelei o uo. O uo pepelo e masani lava ona latou faia ni upu faaviivii ina ia tosina atu ai tagata a e tanumia i lalo ni uiga lilo. “O se tagata na te faaviivii i lona tuaoi ua ia fofola se mailei i ona vae.”—Faataoto 29:5, The Jerusalem Bible

O lea la, ia mafaufau ma le faaeteete i le lio o i ai nei o au uo. Pe o latou taaʻia oe ina ia e lelei pe ina ia e leaga? Pe latou te manatu faapito, pe maumauai i o latou manatu, pe faualuga foi i o latou manatu? Pe latou te gaioio ma le lē faamaoni ma fiafia e faatalitalia ni faalavelave? O ā o latou uiga i isi o le isi ituaiga? Pe latou te āva ma faaloalo pe ua masani tele naua, atonu ua oo ai ina faia amioga lē mamā? Pe ua e faamaonia o au aumea masani o i latou o ni tagata lē faamaoni, ma lē maufaatuatuaina? Pe latou te faaaogā vailaau faasaina? Pe o ni tagata onanā? Afai o o e o se tagata faamaoni, mamā, ma loto maulalo, a e manatua: “O le feoai ma e amio leaga e leaga ai amio lelei.”—1 Korinito 15:33.

O le matautia sili lava i le faia o uo leaga, ona o le a e faataʻitaʻi ai foi ia i latou. Atonu o le a faifai malie lava ona pisia oe i o latou uiga ma o latou auala e aunoa ma sou iloa. E pei ona fai mai le Tusi Paia: “Ia e feoai ma ē popoto, ona e poto ai lea. A e afai e te feoai ma ē valelea o le a faaleaga ai ae.”—Faataoto 13:20, TEV.

E faigofie lava ona faia se laasaga sese i le sailia o ni uo. A e aua neʻi loto vaivai ai. O loo i ai pea le faitau miliona o tagata lelei, ma ē faauo i le lalolagi. O lea, e mafai faapefea ona e maua ni uo moni faapena?

[Ata i le itulau 4]

E mafai e au uo ona taaʻina malosi oe