Pe sa E Auaufaatasi ma le Faalapotopotoga a Ieova i se Tasi Taimi?

SA LAGONA e le tama talavou le maasiasi ma le matuā faanoanoa lava. Na matuā masaesae ma eleelea ona lavalava, ua aumaia ai ni molimau faapea, sa matagofie ma lelei i se tasi taimi. Nei la, ua leai lava se faaletonu faapea sa oo o ia i ni tulaga faigata. A o toe faasolosolo atu lona mafaufau i tua i lona nuu moni mamao, sa amata ona ia lagona le matuā tele ma le inoino ona o le olaga soonafai ma le iʻuvale sa ia ola ai, atoa foi ma le auala na ai faamaumau ai le tofi na ia asosi iai ia ona aua a o leʻi oo ina matua. Ua faaopoopo atu le mole o lona manava i lona faanoanoa tele, ma ua oo ai ina lagona lona fia foi atu i lona aiga. Ioe, e oo lava i auauna a lona tamā i le aiga sa sili mamao atu lava le tulaga lelei na latou iai na i lo o ia! Oi, maeu lona manao ia iai i lo latou tulaga!

A e po o e ā le ituaiga o faafeiloai sa mafai ona ia faatalitali a mai lona tamā pe afai e toe foi atu nei o ia? Sa matuā faafaigata lava ona ia faatalitalia se faafeiloaiga mafana, po o le oo foi ina talia o ia i totonu o le fale ona o le auala maasiai na ia faamaumau ina ai le agalelei o lona tamā. A e ui i lea sa iai lava se faalogona loloto na pulea ai lona mafaufau ma lona loto: E tatau lava ona ai foi atu i le aiga.

Pagā le itiiti o se iloa na iai lenei taulealea e faatatau i faalogona o lona tamā e uiga ia te ia! Maeu se ofo na oo ia te ia a o latalata atu i lona aiga muamua! O le mea moni, “ua iloa mamao atu foi o ia e lona tamā, ona mutimutivale lea o lona alofa, ua momoʻe atu ia, ua fusi ia te ia, ma sogi atu ia te ia.”—Luka 15:20.

Pe ua e tuua ea lou aiga e pei o le atalii faamaumau oa? Pe ua e tafetafea malie ese atu ea mai lou Tamā o Ieova, ma lana faalapotopotoga? Pe ua e manao nei ea e toe ‘foi i le aiga?

I le tele lava o tulaga, o i latou ua tafetafea malie ese atu mai le faalapotopotoga a Ieova e lē o tutusa atoatoa ma le atalii faamaumau oa. I le toatele, ua na o se taualumaga faifai malie, e toetoe lava a lē mafai ona iloa, o se taualumaga o le tafetafea malie ese atu—e pei o se vaa laititi, ua tafetafea malie ese atu ma faasolosolo atu ina mamao ma mamao ese atu ai lava mai le laueleele. O nisi ua oo lava ina matuā mafatia i faafitauli tua tupe po o faafitauli faaleaiga, i maʻi po o le oo lava i “le agaʻigaʻi i luma” i le lalolagi, o lea ua tulei ai i tua mea faaleagaga. O nisi ua latou faatagaina i latou lava e faavaatuʻia e nisi tagata o loo auaufaatasi ma le faaapotopootga Kerisiano, po ua ō ese foi ona ua latou lē malilie i se malamalamaga i se mea faapitoa sa iai i le faaalapotopotoga a Ieova e uiga i se manatu faale-Tusi Paia. A e o isi foi ua faatagaina i latou e faalotovaivaia ma ō ese ona ua lē iʻu lenei faiga o mea i le taimi na latou faatalitalia.

A fai la o oe o se tasi ua lē o toe auaufaatai ma le tiotio nei ma le faalapotopotoga a Ieova, ua faapena la ona fetaui lelei se tasi po o le sili atu foi o nei mafuaaga i ou tulaga. A e po o le ā lava le pogai, pe e lē o le taimi ea lenei e manatunatu ai ina ia toe foi mai?—Mataio 18:12-14.

Pe sa Faatausuaiina Oe?

I le manatu atu i le mamao ua paū iai le fanau a tagata mai le lē lelei atoatoa, o le a mafai ai ona faatalitalia e se tasi le feteenai o uiga faaletagata i le va o se toalua mai lea taimi i lea taimi. Ua taʻitaʻia atu ai e lenei mea nisi ina ia tausuai. Ua tausuai nisi ina ua latou vaaia se tasi sa latou faaaloalo loloto iai ua faafuasei lava ona gaoioi i se ala e leʻi mafaufauina pe lē faa-Kerisiano, po ua aafia foi i le faia o se mea sese.

Ua tupu lenei mea ia te oe? Po o le ā lava ua faatausuaiina oe, e mautina lava sa lē o Ieova na mafua ai na o e faatausuai. (Faatusatusa le Kalatia 5:7, 8.) O lea, pe e iai moni ea la se mea aogā e motusia ai la tataou faiā ma ia, ona o se mea ua faia e se tasi? Na i lo lea, pe e lē tatau ai ea ona faaauau ona tatou auauna ma le faamaoni ia te ia, i le mautinoa ua silafia e Ieova le mea ua tupu, ma o le ai feutagai ma le alofa ma i tatou—Kolose 3:23-25.

I le faagasologa o taimi, ua iloa ia e nisi faapea, o mea na faatausuaiina i latou i le amataga, ua foliga mai nei ua lē toe tāua nei pe ua lē toe iai foi. Pe ona o le manatunatu foi i le mataupu i se auala toʻafilemu, atonu ua oo ai nei ina faia iai sa latou faaiʻuga faapea, o i latou moni lava sa sese. E masani lava ona moni lenei pe a lē malie se tasi ma tausuai i se fautuaga po o se aoaiga na avatu ia te ia. I sana toe iloiloga o mea na tutupu ua mavae, atonu o le a iloa ai faapea, o lena aoaiga sa avatua i le alofa moni ma e mo lona lelei. (Eperu 12:5-11) Maeu la se talafeagai, ina ia gaoioi e tusa ai ma le fautuaga a le aposetolo o Paulo! Na ia tusi ai: “O le mea lea ina faaamlosi ai ia i lima ua gagase ma tulivae ua vaivai; i le ma lea, ina fai ia o ala laulelei mo o outou vae, neʻi mapeva le vae ua pipili, a e lelei ina faamaloloina (o le a toe faamalosia ai o ia e pei o taimi muamua, The New English Bible).”—Eperu 12:12, 13.

Pe sa E Lē Malie i se Aʻoaʻoga?

Atonu po ua e tauu le faalapotopotoga a Ieova talu ai ona sa ese sou malmamalamaga i se manatu faale-Tusi Paia. E pei lava ona vave ona “galo” ia Isaraelu, o ē na laveaiina mai i Aikupito, “ana mea [a le Atua]” na fai mo i latu ma “e lei faatali atu i latou i lana pule [fautuaga, NW]” atonu la ua e faanatinati ai foi i le faia o se faaiʻuga faapea, talu ai ona e lē o lagolagoina e le faalapotopotoga le manatu ua e manatu iai e saʻo, o le a motusi ese ai loa la sootaga mai ia te ia. (Salamo 106:13) Atonu po ua uma ona faamanino le manatu lea, i le suia po o le faamautuina foi e ala i nisi sailiiliga atili faale-Tusi Paia, i lalo le taʻitaʻiga a le agaga o le Atua. Pe e lē sili ai e la ona tau ina e nofo ai pea i le faalapotopotoga, ma faatlitali ia Ieova?

E lelei ona manatua faapea, ua galue pea Ieova e ala i le na o le tasi lava le faalapotopotoga. I o tatou aso, ua faasoasoa mai a ie le “auauna faamaoni ma le mafaufau” meaʻai faaleagaga i “ona itu aso” e tatau ai. Matau foi o lenei auauna e tatau ona ‘maua mai o ia o loo faapea ona fai pe a sau lona Matai.’ (Mataio 24:45-47) O ai moni lava la i aso nei o iloa ua uma ona taunuu le Matai? Ma o ai o loo pisi nei i le galuega e pei ona faaalia? E na o i latou lava o loo auaufaatasi atu ma le faalapotopotoga a Ieova o molimau Kerisiano!

Ina ua tuulafoaia e isi Iesu, na faapea mai le aposetolo o Peteru: “Le Alii e, a matou ō ea ia te ai? o ia te oe upu o le ola e faavavau” Sa iloa lelei e Peteru e leai ma se masalosalo o Iesu le Mesia. O lea, ina ua faateʻia le toatele o le au soʻo i nisi o upu a Iesu, a e sa iloa lava e Peteru o se mea valea pe a tuua le puna o “upu o le ola e faavavau.” Mulimuli ane, o le a faamanino ai ni masalosaloga po mea foi e lē malamalama ai. (Ioane 6:51-68; faatusatusa le Luka 24:27, 32) O le tulaga foi lava lena e tasi i aso nei, a o taʻitaʻiina pea e Ieova ma le agaʻigaʻi i luma ana auaun i le ala o le upu moni.—Faataoto 4:18.

Foi Nei Loa

Na aioi mai le perofeta o Ieremia: “Seʻi tatou suesue i o tatou ala ma filifili, ma ia tatou toe foi atu ia Ieova.” (Auega 3:40) Peitai, atonu o le a taofi mau pea nisi i le nonofo pea i tua, atonu ona o le fefefe i se talia lē lelei o i latou mai i ē o i totonu o le faapotopotoga. A e peitai, o le ā le tali ina ua toe foi atu le atalii faamaumau oa i le aiga? “Ua tatau foi ona tatou . . . olioli,” na faamatala atu ai e le tamā, “auā o lou uso lena na oti, a ua toe ola mai; na le iloa foi, a ua toe maua.” (Luka 15:32) O loo faatalitali mai foi se faafeiloaiga mafana faapea nia i latou o ē “toe foi atu ia Ieova” ma se fanaunauga faamaoni e faia lona finagalo.—Faatusatusa le Luka 15:7.

Ae e lē o nofoai foi le faapotopotoga Kerisiano ma tau ina fatalitali e faafeiloai atu ia i latou na, pe afai ua latou filifili e ‘toe foi mai i le aiga.’ I le faataʻitaiʻga a Iesu, fai mai na tamoʻe atu i fafo le tamā e faafeiloai i lona atalii a o ”mamao atu.” E faapena foi ona manatu Molimau a Ieova faapea, o se avega tauave totino le sailia o i latou na auaufatasi mai muamua ma fesoasoani iai latou ina ia toe foi mai i le faalapotopotoga a Ieova.

A e faapefea pe afai ua faia e se tasi se amioga sese matuiā a o vavae ese mia le faalapotopotoga a Ieova? A e faapefea pe afai na aveeese se tasi mai le auaufaatasi atu ma tagata o le Atua, ona o se mea sese matuiā na ia faia a e talu mai ai lava lea taimi ua ia taofia ma na te lē o toe auai nei i na amioga lē faa-Kerisiano? O le a iloa lava e le au toeaina pe faapefea ona fesoasoani atu ia te ia i se auala agaleleli ma le alofa, ina ia faasaʻo ai tulaga o mea ma Ieova. O lea, so o se tasi ua manaʻo nei e foi mai ma ola e tusa ai ma le finagalo o le Atua, e tatau ona faailoa atu i le au toeaina lenei faanaunauga. “O loo faapea mai Ieova, O mai ia, ina tatou filifili ia (ma ia faasaʻo mea i le va o i tatou, NW) e ui lava ina pei o ofu mūmū o outou agasala, e sisina ia e pei o le kiona.”—Isaia 1:18.

Maeu se agalelei, mafana, ma le alofa o lo tatou Tamā faalelagi! Ma maeu foi lona onosai ma naunau totino mai ia i tatou taitoatasi! E mautina lava, e lē finagalo o ia ina ia faaumatia faatasi i tatou ma lenei faiga leaga o mea. (2 Peteru 3:9) O Ieova lava na uunaʻia ona tagata anamua: “Foi mai ia ia te aʻu, ona ou foi atu lea ia te outou.” Ua faapena foi ona tumau o lena lava valaaulia i aso nei.—Malaki 3:7.

Ua utiuti i le taimi, o lea aua le toe faatali. Ia toe olioli faatasi ma tagata o Ieova i le ‘anoanoai o le filemu e maua e i latou o ē alolofa i le tulafono a Ieova.’ “E leai foi se mea e tausuai ai i latou,” na fai mai ai le faisalamo. (Salamo 119:165) I totonu o lou loto, pe e te alofa ai i le tulafono a Ieova? Afai o o oe o se auauna tuuina atu a le Atua, o le pogai la lena na e tuuina atu ai ia te ia. E leai—ioe, e matuā leai lava—se mea e mafai ona sili atu lona tāua, na i lo o le toe faafoisia o la outou faiā ma Ieova. Aua e te fulitua ia te ia. Mafaufau ma le faaeteete ma le tatalo i le mataupu. Afai ua e misia le autasi ma le mafana o tagata o Ieova e lē o tuai tele naua lou toe foi mai i le faalapotopotoga a Ieova. Ia faia nei loa, aua le toe faatali.