O le Soifuaga o Iesu ma Lana Faiva

Ua Faia e Iesu se Lesona i le Loto Maulalo

INA ua uma ona faamalōlō le tama na uluitinoina e le temoni i le itu e latalata i Kaisareia Filipo, ona manao lea o Iesu e toe foi atu i lona aiga i Kapanaumi. A e peitai, na manao o ia ina ia na o i latou ma ona soʻo i le malaga ina ia mafai ai ona ia saunia atili i latou mo lona maliu ma o latou tiute tauave mulimuli ane. “Ua tuuina atu le Atalii o le tagata i lima o tagata,” ua ia faamatala atu ai ia te i latou, “latou te fasioti foi ia te ia; a uma foi ona fasia o ia, e toe tu mai o ia i le aso tolu.”

E ui lava sa muai fetalai foi iai Iesu i lenei mea, ma na vaai tino foi aposetolo e toatolu i le faaliliuina a o talanoaina ai lona “maliu,” a e o loo tumau pea ona lē malamalama lona au soʻo e uiga i le mataupu. E ui lava e lē o taumafai se tasi o i latou e faafitia faapea o le a fasiotia o ia e pei ona a muai faia e Peteru, a e ua latou fefefe foi e toe fesili atili atu ia te ia e uiga i lea mea.

Mulimuli ane, ua latou oo i Kapanaumi, lea ua avea o se aiga e faamautū iai a o faia le faiva a Iesu. O le nuu moni foi lea o Peteru ma isi aposetolo. O i inā ua faaalatalata ane ai tagata e aoina taulaga o le malumalu ia Peteru. Atonu pe ua latou taumafai e faaafia Iesu ia solia tu masani, i lo latou fesili atu: “E le faia e le taulaga e lua tareki [lafoga o le malumalu] e lo outou aʻoaʻo?”

“E faia lava,” ua tali atu ai Peteru.

A o Iesu, o lē atonu ua taunuu mulimuli atui le fale, ua na silafiale mea ua tupu. O lea, a o leʻi lagaina e Peteru le mataupu, a e ua fesili atu Iesu: “Simona e, pe ni a fa oe? e tali telo ma taulaga mai ia te ai tupu o le lalolagi? o a latou fanau ea, po o tagata ese?”

“O tagata ese,” ua tali mai Peteru.

“O lea fou uasaolto ai le fanau,” ua faaioa atu ai e Iesu. Ona o le Tamā o Iesu o le Tupu o le vateatea, o Lē o loo tapuaia i le malumalu, e lē manaomia ai la faaletulafono mo le Alo o le Atua ona totogi se lafoga o le malumalu. “A o lenei, neʻi latou tausuai ia i tatou.” ua fetalai atu ai Iesu, “ina alu ia oe i le vai, ma lafo ai se mātau, o le uluai iʻa e te maua, ia e tago iai, ma faafasi lona gutu, ona e maua ai lea o le setatara [e fa tareki]; ia e avea lea, ma avatu ia te i latou mā oe ma aʻu.”

Ina ua faapotopoto faatasi le au soʻo ina ua latou foi atu i Kapanaumi, atonu pe i le fale o Peteru, ona latou fesili atu lea; “O ai ea e sili i le malo o le lagi?” Ua silafia e Iesu le pogai ua lagā ai la latou fesili, i lona silafia o le mea na tupu ia i latou a o latou mulimuli mai ia te ia i lo latou foi mai mai Kaisareia Filipo. O lea ua ia fesili atu ai: “Pe se a na outou fefinauaʻi ai i le ala?” Ua mamā i latou, ma ua leai ai se isi o le au soʻo e tali atu, auā sa latou fefinauaʻi po o ai o i latou e sili.

Ina ua mavae le toe itiiti tolu tausaga o aʻoaʻoga a Iesu, pe ua foliga mai ea la o se mea uiga ese le fefinauaʻi faapea o le au soʻo? Ioe, e faaalia ai le malosi o taaʻiga o le lē lelei atoatoa faaletagata, atoa foi ma o latou talaaga faalotu. O le lotu faa-Iutaia ia na tutupu aʻe ai le au soʻo, sa faamamafa ai tulaga po o tofiga i a latou fetuagaiga uma. E lē gata foi i lea, atonu pe ona ua maua e Peteru le folafolaga a Iesu e uiga i le tuuina atu ia te ia o “ki” faapitoa o le Malo, na oo ai ia te ia se lagona o ia e sili. Atonu pe ua iai foi ni manatu faapena ia Iakopo ma Ioane, ona ua faamanuiaina i lo la molimauina o le liliuina o Iesu.

Po o le ā lava le tulaga, a e ua faatulaga lava e Iesu se faataʻitaʻiga e faagaee a ii se taumafaiga e faasaʻo o laotu uiga. Ua ia aumai se tama itiiti, ma faatu i o latou luma, ua ia siitia o ia i ona lima, ma fetalai atu: “A le liua outou, ma avea ia pei o tama iti, tou te le sao lava i le malo o lagi. O lenei o sē faamaulalo o ia ia te ia e pei o le tama itiiti nei, e sili lea i le malo o le lagi. Ai se talia se tamaitiiti faapenei ona o loʻu igoa, ua ia talia aʻi.”

Maeu se auala ofoofogia e faasaʻo ai na soʻo! E leʻi ita Iesu ia ia latou ma faapea atu e faamaululuga, ma mananaotele, po o le fiasili. E leai, a e ua ia faia se faataʻitaʻiga i lana aʻoaʻoga e faasaʻo ai, i lona faaaogāina o tamaiti laiti, o ē o loo mamā o latou uiga, e leai se fiasili, ma i le tulaga lautele e leai se e manatu e uiga i ni tulaga i totonu o i latou. O lea ua faailoa atu ai e Iesu faapea o ona soʻo latou te manaomia ona atiina aʻe ia lava uiga e pei ona iai i tamaiti loto maulalo. E pei ona faaiʻu atu ai e Iesu: “O le aupito itiiti ia te outou uma, e sili lava ia.” Mataio 17:22-27; 18:1-5; Mareko 9:30-37; Luka 9:43-48.

◆ I le foi atu i Kapanaumi, o le ā le aʻoaʻoga ua toe famanatu atu e Iesu, ma ua faapefea ona taliaina?

◆ Ai se ā ua lē o se avega tauave ai a Iesu le totogiina o le lafoga o le malumalu, ae ai se ā ua ia totogia ai?

◆ O ā atonu na avea o nisi o mafuaaga i le finauga a le au soʻo, ma na faapefea ona faasaʻoina i latou e Iesu?