O le Soifuaga o Iesu ma Lana Faiva

Nisi Fautuaga Atili e Faasaʻo Ai

A O iai pea i le fale i Kapanaumi, na talanoaina ai se isi mea e ese mai i le finauga a le au aposetolo i le po o ai e sili. Atonu o le mea foi lenei na tupu ina ua latou foi atu i Kapanaumi, i le taimi lea sa leʻi faatasi totino ai iai Iesu. Ua lipotia mai e le aposetolo o Ioane: “Le aʻoaʻo e, na matou iloa le tasi ua tutuli temoni i lou suafa, na matou vaoia o ia, auā ua ia le mulimuli mai ia te ia tatou.”

E mautinoa lava, ua manatu Ioane, o le au aposetolo ua latou umai se taʻu o le au faamalōlō. O lea ua manatu ai o ia faapea sa faia e le tamaloa i se auala lē saʻo ni galuega mamana auā e lē o ia o se tasi o la latou vaega.

A e Peitai, na fautua iai Iesu: “Aua le vaoia o ia; auā e leai se tagata na te faia se vavega i loʻu nei igoa, na te mafaia ona vave tautala i e upu leaga ia te au. Auā foi o le lē ʻau ese ia te i tatou, e ʻau faatasi lea ma i tatou. O se na te avatua foi se ipu vai ia te outou i loʻu nei igoa, auā e o Keriso outou; e moni, a ou te fai atu ia te outou, e le māumau ia te ia lona taui.”

Sa lē tau manaomia e lenei tamaloa oan mulimuli totino atu ia Iesu ina ia iai i lana itu. O le taimi lea, sa leʻi faavaeina ai le faapotopotoga Kerisiano, o lea, e lē o le lē avea o ia ma se tai o la latou vaega, o le a faapea ai e ese se faapotopotoga e iai o ia. Sa faatuatua moni lava le tamaloa i le suafa o Iesu ma o lea sa manuia ai i lona tutulia o temoni. Sa ia faia se mea e tutusa lelei ma lea na fetalai iai Iesu ua tatau ona tuia. Ua faalia e Iesu faapea, o lona faia o lenei mea, o le a lē māumāu ai lona taui.

A e faapefea pe ana tausuai le tamaloa i upu ma gaoioiga a le au aposetolo? O le a sili ai ona matuiā lenei mea! Ua matauina ai e Iesu: “Ai se na te faatausuaiina se tasi o i latou nei e faatauvaa o se faatuatua mai ia te au, e lelei ia te ia pe ana noatia se maaolo i lona ua, ma lafoina o ia i le moana.”

Ua fetalai Iesu e ao i ona soʻo ona aveese mai i o latou olaga o so o se mea e pele ia i latou e pei o e lima, se vae, po o se mata atonu o le a faapogaia ai ona latou tausuai. E sili ai ona leai se mea e pele faapenei ma mafai ona ulu atu i le Malo o le Atua na i lo o le taofi o ia mea, a e lafoina ai i Kena (le mea e susunu ai otaota i tua o Ierusalema), lea e faaatagia ia le faaumatiaga e faavavau.

Ua lapatai mai foi Iesu: “Ia outou neʻi tou faaleaogaina se tasi o i latou nei e faatuvaa; auā ou te fai atu ia te outou, o a latou agelu i le lagi e le aunoa ona latou vaavaai i fofoga o loʻu Tamā o i le lagi.” Ona ia faia loa lea o se faataʻitaʻiga o le tautele o ē “faatauvaa” i le faamatala atu lea e uiga e se tagata ua iai mamoe e 100 a e ua lē iloa le tasi. O le a tuua e lea tagata le 99 ina ia alu atu e saili mo lē ua lē iloa, ua faamatala atu ai e Iesu, ma ina ua maua, ua sili atu lona olioli ia te ia, na i lo o le 99. “E faapea,” ua faaiʻu atu ai Iesu, o “lo outou Tamā o i le lagi, e le finagalo ia ina ia fano se tasi o i latou nei e faatauvaa.”

Atonu pea ona o loo manatua pea e Iesu le fefinauaʻi o ona aposetolo o lea ua ia uunai atu ai: “Ia ia te outou le masima, ma ia fifilemu outou ia te outou.” O meaʻai e leai se tofo, o le a sili na faaleleia pe a tuu iai le masima. O lea o le masima faafatusa e faigofie ai ona tali se mea e fai atu ai se tasi. O le aia o e masima faapena o le a faasaoina ai le filemu.

A e ona o le lē lelei atoatoa faaletagata, o lea, i nisi taimi o le a tulai mai ai ni faigata matuiā. Ua saunia foi e Iesu taʻiala mo le taulimaina o ia tulaga.” A fai e agaleaga mia lou uso ia te oe,” ua fetalai Iesu, “ia e alu, ma aoai ia te ia tau lava o oulua ma ia. Afai e faalogo mia o ia ia te oe, ua e maua lou uso.” A e afai e lē faalogo mai o ia, ua lapatai atu Iesu, “lua te o ma se tasi, o o se toalua, ina ia faamaoni ai upu uma i le mau a le toalua, po o le toatolu.”

E na o se taumafaiga mulimuli, ua fetalai ma iai Iesu, e tuuina atu le mataupu i le “ekalesia [faapotopotoga].” o lona uiga o ovasia o loo tausia le faapotopotoga, o ē e mafai ona tuuina atu se filifiliga fafaamasinoga. Afai e tumau pea ona lē faalogo le tagata agasala i la latou filifiliga, ua faaiʻu mai la Iesu, “ia avea o ia ia te oe, ia pei o le faapaupau, po o le telona.”

I le faia o se filifiliga faapea, e manaomia ai ona matuā pipii atu pea ovasia i faatonuga mai le Afioga a Ieova. O lea, afai latou te maua se tasi ua agasala ma ua tatau iai le faasalaga, o lea la ua ‘uma ai ona fusifusia le faamasinoga i le lagi.’ Afai e “tālā i le lalolagi,” o lona uiga, o le mauaina lea o se lē sala, ua uma foi ona “tatalaina ia i le lagi.” I le faia o iʻuga faamasinoga faapena, ua fetalai Iesu “o le mea ua faapotopoto ai se toalua, po o se toatolu i loʻu igoa, ou te iai faatasi ma i latou.” Mataio 18:6-20; Mareko 9:38-50; Luka 9:49, 50.

◆ Ai se ā sa lē tau manaomia ai ona ō faatasi ma Iesu, i ona aso?

◆ E faapefea ona matuiā le mataupu e uiga i le faatausuaiina o sē faatuvaa, ma na faapefea ona faataʻitaʻia e Iesu le tāua o na tagata faatauvaa?

◆ O le ā atonu na vave ai na tuuina atu le faalaeiauga a Iesu i aposetolo ina ia ia te i latou le masima?

◆ O le ā le faailoga vaaia o iai i inā e uiga i le ‘fusifusia’ ma le ‘tatalaina’?