Mo le ʻAutalavou
Le Auala e Maua ai Uō Faamaoni
Faatonuga: Ia fai lenei lesona i se nofoaga toʻafilemu. A o faitau mau, ia faaata o loo e iai i inā a o tutupu na mea. Faaata i lou mafaufau le vaaiga ma faalogo atu i leo o tagata. Ia iā te oe le faalogona e pei lava o loo tupu moni.
Tagata autū: Ionatana, Tavita, ma Saulo
Aotelega: Ina ua uma ona fasiotia e Tavita Koliata, na avea ai loa Ionatana ma uō mamae a Tavita.
1 IA ILOILO LE VAAIGA.—FAITAU LE 1 SAMUELU 17:57–18:11; 19:1; 20:1-17, 41, 42.
Faamatala foliga o Saulo e tusa ai ma le mau. (Faamatalaga: Tagaʻi i le 1 Samuelu 10:20-23.)
․․․․․
E foliga mai sa talavou lava Tavita i le taimi na feiloaʻi ai ma Ionatana. Faamata e faapeʻī ona foliga? (Faamatalaga: Tagaʻi i le 1 Samuelu 16:12, 13.)
․․․․․
I le faaiʻuga o le 1 Samuelu mataupu e 20, faamata o ā ni faalogona na iai iā Tavita ma Ionatana ina ua la faamavae?
․․․․․
2 IA FAI NI SAʻILIʻILIGA ATILI.
O loo taʻua i le tala, “ona pipiimau lea o le loto o Ionatana i le loto o Tavita,” pe e pei ona taʻua e le Contemporary English Version “Ua avea nei Tavita ma Ionatana ma uō mamae.” (1 Samuelu 18:1) O ā uiga o Tavita na tosina ai Ionatana iā te ia? (Faamatalaga: Tagaʻi i le 1 Samuelu 17:45, 46.)
․․․․․
E tusa ma le 30 tausaga e matua ai Ionatana iā Tavita. O ā vala e te manatu na māfua ai ona avea i laʻua ma “uō mamae,” e ui lava i le vavamamao o o la tausaga?
․․․․․
O ā uiga e mātaulia ai se uō moni e tusa ai ma lenei tala faagaeeloto? (Faamatalaga: Tagaʻi i le Faataoto 17:17; 18:24.)
․․․․․
Aiseā na faasilisili ai e Ionatana le faamaoni iā Tavita i lo o lona tamā?
․․․․․
3 IA FAATATAU LESONA UA E AʻOAʻOINA. TUSI I LALO MEA UA E AʻOAʻOINA E UIGA I . . .
Faiga uō.
․․․․․
Faamaoni.
․․․․․
Faauō ma ē matutua.
․․․․․
E faapefea ona tosina mai iā te oe ni uō e sili ona lelei?
․․․․․
4 O LE Ā LE VALA O LENEI TALA E SILI ONA TĀUA IĀ TE OE, MA AISEĀ?
․․․․․
AFAI E LEAI SAU TUSI PAIA, IA FESILI ATU I MOLIMAU A IEOVA MO SE TUSI PAIA, PE FAITAU I AI I LE FAA-PERETANIA, I LE INITANETI I LE www.watchtower.org