TALIINA FESILI FAALE-TUSI PAIA

E faapeʻī le Atua?

O le Atua o se foafoaga agaga e lē vaaia. Na ia faia le lagi, le lalolagi, ma meaola uma o loo iai. E leai se tasi na foafoaina le Atua, ma e leai sona amataga. (Salamo 90:2) E finagalo le Atua ina ia saʻili atu tagata iā te ia, ma iloa le mea moni e faatatau iā te ia.​—Faitau le Galuega 17:24-27.

E tatou te iloa le Atua i lona suafa. E mafai ona tatou iloa nisi o ona uiga e ala i le manatunatu i mea na ia foafoaina. (Roma 1:20) Ina ia iloa lelei le Atua ma malamalama i ona uiga alofa, e manaʻomia ona tatou suʻesuʻeina lana Afioga le Tusi Paia.​—Faitau le Salamo 103:7-10.

O le ā le finagalo o le Atua i mea lē tonu?

E inosia e Ieova mea lē tonu, ma na ia faia le tagata i lona faatusa. (Teuteronome 25:16) O le māfuaaga lenā e ʻinoʻino ai le toʻatele i faiga lē tonu. E leʻi faapogaia e le Atua mea lē tonu. Na ia tuuina mai i tagata le saʻolotoga e filifili ai, ae ua faaaogāsesē e le toʻatele lenā saʻolotoga ma faia ai gaoioiga lē tonu. Ua latou faatigā i le finagalo o Ieova.​—Faitau le Kenese 6:5, 6; Teuteronome 32:4, 5.

E fiafia Ieova i le faamasinogatonu, ma e na te lē faatagaina pea e faavavau le iai o faiga lē tonu. (Salamo 37:28, 29) Ua folafola mai i le Tusi Paia, e lē o toe umi ona aveesea lea e le Atua o faiga lē tonu.​—Faitau le 2 Peteru 3:7-9, 13.