Suafa o le Atua (i le ata) i se manusikulipi anamua o le Tusi Paia
O Le Ā Le Manatu O Le Tusi Paia?
Pe e iai se suafa o le Atua?
E MANATU NISI e leai sona suafa, o isi e fai mai o le Atua po o le Alii, ae o isi e manatu e tele ona suafa. Ae o le ā sou manatu?
LE MANATU O LE TUSI PAIA
“O oe e ou le suafa o Ieova, e na o oe lava o Lē e Silisili Ese i le lalolagi uma.”—Salamo 83:18.
ISI MEA E TATOU TE AʻOAʻOINA MAI I LE TUSI PAIA
E ui lava e tele faalupega o le Atua, ae e tasi le igoa ua ia faaigoa ai o ia lava.—Esoto 3:15.
E mafai ona tatou malamalama i le Atua, ma e finagalo ia tatou iloa o ia.—Galuega 17:27.
O le iloaina o le suafa o le Atua, o le laasaga muamua lea i le mauaina o se faauōga ma ia.—Iakopo 4:8.
Pe e sesē ona tatou taʻua le suafa o le Atua?
O LE Ā LAU TALI?
Ioe
Leai
Atonu
LE MANATU O LE TUSI PAIA
“Aua e te faaaogā ma le lē tatau le suafa o Ieova lou Atua.” (Esoto 20:7) E na o le pau le taimi e sesē ai le taʻua o le suafa o le Atua, pe afai e lē faaaloalo le auala e faaaogā ai.—Ieremia 29:9.
ISI MEA E TATOU TE AʻOAʻOINA MAI I LE TUSI PAIA
Sa iloa ma faaaogā e Iesu le suafa o le Atua.—Ioane 17:25, 26.
Ua valaaulia i tatou e le Atua e faaaogā lona suafa pe a valaau atu iā te ia.—Salamo 105:1.
Ua taumafai fili o le Atua e uunaʻia tagata ia faagalo lona suafa.—Ieremia 23:27.