Saunia e le Aʻoga o le Faiva o le Malo Aʻoaʻoga Faatiokarate

Ua amoina e toeaina se avega mamafa o avega tauave. E amata mai i le 1959, sa faia ai ni faatatauga mo se “aʻoga faapitoa e koleni ai i galuega a ovasia” ina ia fesoasoani ia i latou e tausia lenei tofiga mamafatū. (jp itu. 292-293; yb77 itu. 14) Sa valaaulia auauna o le Faiva ina ia auai mo le taimi muamua i le 1984. O le Aʻoga mulimuli o le Faiva o le Malo sa faia i le tausaga faaleauaunaga 1988, ma e faitau sefulu afe na aogā i ai.

Talu mai lena taimi, e faitau selau faapotopotoga ua faatutūina ma e faitau afe uso ua tofia e avea o ni toeaina ma auauna o le faiva. Sa faia foi ni fetuutuunaiga faalefaalapotopotoga. O le mea lea, ua fuafuaina ai e le Vaega Pule mo toeaina uma ma auauna o le faiva i faapotopotoga ina ia auai i le Aʻoga o le Faiva o le Malo i lenei tausaga faaleauaunaga. Ua fuafuaina le aʻoga fou ina i fetaui ma manaoga o loo iai i le fanua. O le a taʻimua i le aʻoaʻoina o le aʻoga ni sui o le aiga Peteli ma nisi o ovasia femalagaai. O le a maua e faapotopotoga uma aogā a o faatatauina e toeaina ma auauna o le faiva mea latou te aʻoaʻoina mai le aʻoga.