Tala Faatiokarate

Congo: Matou te fiafia e faailoa atu sa aloaia faaletulafono le galuega a Molimau a Ieova i le Pulega Lautele a Congo ia Novema 1991.

Aitiope: Sa iai se tumutumuga fou o tagata talaʻi e 3,185 mo Tesema. I la latou uluai tauaofiaga itumalo i Addis Ababa, e silia i le 7,000 le aofia na auai ae 328 sa papatisoina ai.

Haiti: Na lipotia mai se tumutumuga fou o tagata talaʻi e 7,248 ia Tesema. O le tuu faatatau o itula a tagata talaʻi o le faapotopotoga e 15.2, ma sa iai foi ni tumutumuga fou i toe asiga ma suesuega.

Peru: O le aofaiga atoa o tagata talaʻi e 39,104 ia Tesema ua maua ai se faatelega e 12 pasene ua sili atu ai i le masina lava lea e tasi i le tausaga ua mavae. Ae e matilatila lava le mea moni, e 8,842 paeonia ua faia aʻe ai le 23 pasene o le aofaiga atoa o tagata talaʻi.