Tala Faatiokarate

Benin: Ua faaalia i le lipoti o Aperila faapea e 2,793 tagata talaʻi na faafoeina ni suesuega faale-Tusi Paia i aiga e 4,442 ma e 30,814 ni toe asiga na faia. O na fuainumera ua faaalia ai ni tumutumuga fou se tolu.

Palakeria: I le tausaga e tasi, na faateleina ai le aofaiga o tagata talaʻi mai le 107 i le 218 na lipoti ia Mati. O se faatelega lena e 104 pasene. O le tuu faatatau o itula a tagata talaʻi i le auaunaga i le fanua e 19.7, ma sa faia se aofaiga o suesuega faale-Tusi Paia i aiga e 585. Na usuia la latou uluai aso fono faapitoa ia Mati, ma e 900 na auai.

Sekosolovakia: Na lipotia mai se tumutumuga fou o tagata talaʻi e 25,111 ia Mati. O se faatelega lenei e 9 pasene e sili atu ai i le tuu faatatau o le tausaga ua mavae.

Ekutoa: O le aofaiga na auai i le Faamanatuga i lenei tausaga e 99,987. Faatasi ma se tumutumuga fou o tagata talaʻi e 21,734 ia Aperila, o loo faamoemoe e faaauau pea ona tuputupu aʻe.