Le Faaaogāina ma le Uigā o Polosiua ia Iulai
1 Ina ia faavaveina le galuega o le faia o soʻo, ua matamau ai le faalapotopotoga e faaopoopo mai pea le tele o lomiga eseese. E aofia ai polosiua ua talanoaina ai matua, e pei o fuafuaga a le Atua mo le lalolagi, le Tolutasi, le suafa o le Atua, le pulega a le Malo, ma le faatagaina e le Atua o le amio leaga. Pe mafai faapefea ona tatou faaaogā ma le uigā polosiua e fesoasoani ai i tagata o la tatou oganuu?
2 Ua faamatala saʻo mai e le polosiua Po o Silasila Alofa mai ea le Atua ia i Tatou? e faapea, ua lata mai se lalolagi e aunoa ma ni mafatiaga. E faapefea ona tatou faatomua atu lea polosiua? E mafai ona maua ni manatu i le Reasoning i le ulutala autū o “Mafatiaga” (“Suffering”) e amata i le itulau e 393, po o lou faaaogā foi o le faatomuaga i le itulau e 12 i le ulutala “Faamasinogaletonu/Mafatiaga” (“Injustice/Suffering”).
3 E te ono faapea atu:
◼ “Sa e tau mānatu ea: ‘Po o manatu moni mai le Atua i le fesagai o tagata ma faamasinoga lē tonu ma mafatiaga?’ ” Faataga mo se tali. Faitau le Salamo 72:12-14. Ona suʻe lea i le itulau e 22 o le polosiua Po o Silasila Alofa mai ea le Atua ia i Tatou? ma talanoa i ulutala ua faamatamatatetele i le vaega lona 10, atoa foi ma le uiga o le faataitaiga i le itulau e 23. Afai e lē taliaina le polosiua, ae ā se sāvali, e pei o le Faamafanafanaga mo Ē Loto Mafatia po o le Olaga i se Lalolagi Fou Filemu?
4 O se faiga malo lelei o le matua autū lea o popolega i aso nei. E toatele ua tau mānatu po o le a autasia e pulega a tagata le lalolagi. E maua faamatalaga aogā i le ulutala “Faiga Malo” (“Government”) e amata i le itulau e 152 o le Reasoning.
5 E mafai ona e fesili atu:
◼ “Pe e mafai e tagata se pulega e aumaia moni fiafiaga e faavavau?” Faataga se tali ona fesiligia lea: “O le ā ua faaalia e talafaasolopito o le tagata?” Suʻe i le Ieremia 10:23, po o le itulau e 152 o le Reasoning ma faitau mau ma faaopoopoga e talafeagai. A uma, ia suʻe i itulau e 24 ma le 25 i le polosiua o le Malo ma talanoa i ata ma mau. Taʻu atu le auala o le a autasia ai e le malo o le Atua tagata i le lalolagi aoao. A lē talia e lē ona le fale le polosiua, e mafai ona e ofo i ai le sāvali Po o le a Faasaoina ea Lenei Lalolagi?
6 Afai o loo matataʻu ou tuaoi i soligatulafono, atonu la e fetaui lelei i ai le faatomuaga lea o loo sosoo mai.
7 E mafai ona e faapea atu:
◼ “E toatele tagata ua tau mānatu, ‘Afai e alofa le Atua, aisea la ua ia faataga ai le amio leaga?’ Pe na e tau mānatu ea foi i lenei mea?” Faataga mo se tali ona e fai atu lea: “Ia mātau, ua lapatai le Faataoto 19:3 ina ia aua neʻi tuuaia le Atua i mea leaga ua fai e tagata.” A uma ona faitau le mau, ia tatai saʻo manatu i le itulau e 15 o le polosiua “Faauta! Ou te Faia ia Fou Mea Uma Lava” ma faitau le palakalafa e 27. E ono tatai atu ai i se talanoaga i palakalafa o loo sosoo mai.
8 O le faaaogāina o polosiua e aʻoaʻo ai le tala lelei i tagata pei ni mamoe, o se mea tatou te mafai uma lava ona fai. E mafai ona tatou fesoasoani i tagata o so o se vaega o le olaga ina ia aufaatasi ma le faalapotopotoga a le Atua. O lo tatou faaeaga o le auai lea i le galuega talaʻi, a o tatou faaaogā ma le uigā a tatou polosiua ua talafeagai lelei.