Ia Faaaogā Lelei Tusi Tuai
1 I itu uma o le lalolagi, ua teuina ai e tagata le faitau miliona o tusi tuai i faletusi. Peitai, o ā ni aogā tumau o nei tusi mo le fanau a tagata? (Fai. 12:12) O tusi o loo taulai atu ai manatu i le Malo o le Atua ma mea o le a ia faia mo le fanau a tagata, o tusi na e sili atu ona aogā. O le tele lava o faapotopotoga o loo latou teuina pea le tele o na tusi. Ia Ianuari, o le a tatou ofoina ai i le lautele tusi o le “Ia Oo mai Lou Malo,” Autasia i le Tapuaiga i le Atua Moni e Toatasi, Lou Talavou—Mauaina mai ai Aogā Silisili, Faia o Lou Olaga Faaleaiga ia Fiafia, po o isi tusi tuai o loo iai pea i le faapotopotoga.
2 E Matuā Tāua Moni Lava na Tusi: Atonu o loo manatu nisi o i tatou e faapea, o nei tusi ua lē toe aogā pe a faatusatusa atu i a tatou lomiga fou, ae tatau ona tatou manatua o na tusi o loo iai le upu moni o le Tusi Paia. O le feau o le Malo o loo faamatala mai ai, o loo aogā pea i aso nei, ma afai e utagiaina, e mafai ona avea ma faasaoola. (Ioa. 17:3) O le mea lea, e tatau ona tatou faia se isi taumafaiga ina ia faaaogā lelei nei tusi tuai.
3 I le faamamafaina o le tāua o nei tusi, o le mea lena na oo i se fafine o lē na uili i ai e le tinā o lona tinā le tele o lomiga tuai a le Sosaiete. Na fesili atu se Molimau i le fafine pe na te iloaina le tāua moni o lomiga. Na tali atu le fafine: “Ou te lē iloa se tāua o lomiga, ae e mafai faapefea ona ou iloaina?” Na talia e le fafine se suesuega faale-Tusi Paia, na sau i le upu moni, ma mulimuli ane na ia faatāuaina le fatatusi a le tinā o lona tinā. Maeu le tāua o lena tofi tuufaasolo, o se faaputuga o tusi tuai!
4 Ia Faasalalau Atu na Tusi: E faaopoopo i le ofoina atu o tusi tuai mai lea fale i lea fale, ia faamautinoa ua ofoina atu na tusi pe a toe asia tagata e te iloa e fiafia e faitau a tatou lomiga, e aofia ai i latou e fai tusiga i Le Olomatamata ma le Awake! ma i latou i lau ala mekasini. Mo i latou o ē o loo tou suesue i le Tusi Paia, o le filifilia o tusi tuai e mafai ona maua ai se poto faavae o le a faalauteleina ai lo latou malamalama e uiga i le upu moni. Aua neʻi galo ona aveina tusi tuai na e lē o maua i lau lava faaputuga tusi. I lenei auala, o le a e faaputuina ai se fatatusi tāua faatiokarate, lea e mafai ona faaaogā e faatamaoaigaina ai taimi o au suesuega totino.
5 Nai lo o le faaputuputu o a tatou tusi tuai, seʻi o tatou faaaogā lelei na tusi e faagaee ai tagata e tatou te feiloai atu i ai ina ia “matataʻu i le Atua moni ma tausi i ana poloaiga.”—Fai. 12:13, NW.