Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • wp20 Nu. 1 itu. 12-13
  • Le Upu Moni e Faatatau i le Malo o le Atua

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Le Upu Moni e Faatatau i le Malo o le Atua
  • Le Olomatamata Faasilasilaina le Malo o Ieova (Lomiga mo le Lautele)—2020
  • Mataupu e Taitutusa
  • O Mea na A‘oa‘o e Iesu e Uiga i le Malo o le Atua
    Le Olomatamata Faasilasilaina le Malo o Ieova—2010
  • E Faatatau i le Malo o le Atua
    Le Olomatamata Faasilasilaina le Malo o Ieova—2008
  • Ua Pule le Malo o le Atua
    Le Poto e Taʻitaʻia ai i le Ola e Faavavau
  • O le ā le Malo o le Atua?
    O le ā e Manaomia e le Atua Mai ia i Tatou?
Faitau Atili
Le Olomatamata Faasilasilaina le Malo o Ieova (Lomiga mo le Lautele)—2020
wp20 Nu. 1 itu. 12-13
Se vaaiga i le lalolagi i luga o le vateatea o loo sulugia i ave o le lā

Le Upu Moni e Faatatau i le Malo o le Atua

Na aʻoaʻo e Iesu ona soo ina ia tatalo: “Lo matou Tamā e o i le lagi, ia faapaiaina lou suafa. Ia oo mai lou Malo. Ia faia lou finagalo i le lalolagi, e pei ona faia i le lagi.” (Mataio 6:9, 10) O le ā le Malo o le Atua? O le ā o le a faia e lenā Malo? Aiseā e tatau ai ona tatou tatalo mo lenā Malo?

O Iesu o le Tupu o le Malo o le Atua.

Luka 1:31-33: “E te faaigoa iā te ia o Iesu. E sili o ia ma e taʻua o le Alo o le Silisili Ese, e foaʻiina atu foʻi e Ieova le Atua iā te ia le nofoālii o Tavita lona tamā, ma o le a fai o ia ma Tupu i le aiga o Iakopo e faavavau, o lona Malo foʻi e leai sona gataaga.”

Na avea le Malo o le Atua ma feʻau autū o le talaʻiga a Iesu.

Mataio 9:35: “Ona malaga atu lea o Iesu i aai ma nuu uma, ua aʻoaʻo atu i o latou sunako, ma talaʻi atu le tala lelei o le Malo, ma faamālōlō i maʻi eseese ma maʻi tigāina uma.”

Na taʻu atu e Iesu i ona soo ni faailoga e iloa ai ua latalata mai le Malo.

Mataio 24:7: “Auā o le a siitaua atu isi atunuu i isi atunuu, ma isi malo i isi malo, o le a iai foʻi oge ma mafuiʻe i lea mea ma lea mea.”

O loo talaʻia e soo o Iesu le Malo i le lalolagi atoa.

Mataio 24:14: “O le a talaʻiina atu foʻi lenei tala lelei o le Malo i le lalolagi atoa e fai ma molimau i atunuu uma, ona oo mai ai lea o le iʻuga.”

Faamatalaga Moni e Faatatau i le Malo o le Atua

Nofoaga. O le Malo o le Atua o se pulega moni lava ua faavaeina e le Atua i le lagi.—TANIELU 2:44; MATAIO 4:17.

Le Fuafuaga. O le a suia e le Malo o le Atua le lalolagi i se parataiso, lea o le a nonofo ai tagata ma le filemu ma e lē toe iai se maʻi po o le oti.—SALAMO 37:11, 29.

Le Pule. Ua tofia Iesu e fai ma Tupu e pule mai i le lagi faatasi ma le 144,000 o i latou ia na faatauina mai i le lalolagi.—LUKA 1:30-33; 12:32; FAAALIGA 14:1, 3.

Tagatānuu. O le a nonofo tagatānuu o le Malo i le lalolagi ma e latou te gauaʻi i le pule a Iesu ma lotomalilie e usitaʻia tulafono o le Malo.—MATAIO 7:21.

Māfuaaga ua Agavaa ai Iesu e Pule i Tagata

A o iai o ia i le lalolagi, na faamaonia mai e Iesu o le a avea o ia ma pule alofa ona na ia

  • Manatu mamafa i ē matitiva.—LUKA 14:13, 14.

  • ʻInoʻino i mea faapiʻopiʻo ma faiga lē tonu.—MATAIO 21:12, 13.

  • Pulea malosiaga faalenatura.—MAREKO 4:39.

  • Fafagaina le faitau afe o tagata.—MATAIO 14:19-21.

  • Alofa mutimutivale i ē mamaʻi ma i latou na mafatia.—MATAIO 8:16.

  • Toe faatutūina mai i latou ua maliliu.—IOANE 11:43, 44.

E Faapefea i le Malo o le Atua Ona e Maua ai Aogā i le Taimi Nei?

O le a mafai ona e maua se olaga fiafia i le taimi nei pe a avea oe ma tagatānuu o le Malo o le Atua. Mo se faataʻitaʻiga, o tagatānuu o le Malo e

  • “Tausisi i le filemu ma tagata uma.”—EPERU 12:14.

  • Latou te olioli i le autasi ma le filemu i totonu o le aiga, auā e alolofa ma faaaloalo paaga faaipoipo.—EFESO 5:22, 23, 33.

  • Latou te maua se olaga fiafia ma faamalieina auā latou te “manatu mamafa i o latou manaʻoga faaleagaga.”—MATAIO 5:3.

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga