Le Pogai e Tatou te Alolofa ai i lo Tatou ʻAuuso i le Lalolagi Atoa

I le lalolagi ua leai se alofa i aso nei, ae e mafai faapefea ona tatou faaalia pea lo tatou alofa naunau i o tatou uso faaleagaga? (1 Pete. 2:17) E mafai faapefea ona tatou faaali atu i isi e faapea, o loo iai moni lava lo tatou ʻauuso i le lalolagi atoa? (Mata. 23:8) E ala i le vitiō, Our Whole Association of Brothers. (O lo Tatou ʻAuuso i le Lalolagi Atoa) O loo faaalia ai i lenei vitiō le pogai e tatou te fealofani ai. Faamata e mafai ona e taliina fesili nei:

(1) O ā gaoioiga e tolu o loo tofu sao uma i ai lo tatou ʻauuso i le lalolagi aoao? (2) Ua faaalia faapefea e o tatou uso lo latou maumauaʻi e talaʻi (a) i laufanua tetele i Alaska, (e) i uafu tetele i Europa, ma (i) i le vaomāoa o Peru? (3) O le ā se fesoasoani e sili ona aogā mo le avatuina o se molimau? (4) Aiseā e lē tatau ai ona tatou lagona e faapea, o le talaʻiga ua na o se galuega e lē tāua? (5) Aumai ni faaaʻoaʻoga i le auala ua faamāfanafanaina ma felagolagomaʻi ai Molimau a Ieova i taimi o mafatiaga—mafuiʻe, afā, ma fetauaʻiga a atunuu lava latou. (Tagaʻi i le tala e uiga iā Takao i le itulau e 23 o le Awake! o Aokuso 22, 1995, ma Kotoyo i le itulau e 20 o le Awake! o Oketopa 22, 1996.) (6) O ā ni auala eseese ua mafai ai e i tatou uma lava ona faatinoina le faailoga sili lea ua iloga ai lo tatou ʻauuso Kerisiano? (Ioa. 13:35) (7) O le ā le tele e ao ona tatou faatāuaina ai sauniga a a tatou faapotopotoga? (8) O le ā le lagona ua iā i latou o ē e leʻi iai muamua se Maota o le Malo mo le faia ai o sauniga ae o lea ua faatoʻa maua? (9) Na faapefea ona tumau faaleagaga o tatou uso i Europa i Sasaʻe ma Rusia i le taimi a o faasāina ai le galuega? (10) O ā ni taumafaiga maoaʻe ua faia e le toʻatele o Molimau i aso nei ina ia auai ai i tauaofiaga, ma aiseā? Ua faapefea ona faalaeiauina ai oe i lenei mea? (11) Aiseā ua e maumauaʻi ai ina ia tapuaʻi faatasi i le autasi, ma fesoasoani atu i isi i taimi e latou te manaʻomia ai se fesoasoani, ma faamaoni e talaʻi i so o se taimi e tusa lava po o ā tulaga? (12) Aiseā e lelei ai le iai o sau lava kopi o lenei vitiō ma faaalia ina ia matamata ai le toʻatele o tagata lotofiafia e mafai ona maua?