Le Tala e Fai Atu e Uiga i Mekasini

Le Olomatamata Nove. 1

“O i tatou uma lava, e iai taimi na ʻolegia ai i tatou e se tasi na tatou faatuatuaina. Pe na e fesili ifo iā te oe, ʻPe e iai ea se tasi e mafai ona ou faatuatuaina?’ [Faatali mo se tali. Ona faitau lea o le Faataoto 3:5.] O loo faamatalaina e le mekasini lenei le māfuaaga e mafai ai ona tuu lo tatou faatuatuaga atoatoa i le Atua. O loo talanoaina ai foʻi pe faapefea ona tatou iloa ituaiga o tagata e tatau ona tuu i ai lo tatou faatuatuaga.”

Ala Mai! Oke.-Tese.

“Ua anoanoaʻi le mau faamaʻi ua aafia ai le soifua o tagata, a ea? E pei o le gasegase lea ua taatele i lo tatou atunuu o le suka. O le ā sou silafia e faatatau i lea gasegase? [Faatali mo se tali. Ona faitau lea o le Isaia 33:24.] Ua taʻu mai e le Tusi Paia e iai le taimi o le a lē toe iai ni maʻi e aofia ai ma le maʻi suka. Maʻeu se folafolaga faamāfanafanaloto, a ea? O le a fesoasoani le mekasini lenei e faamatala atili atu iā te oe.”

Le Olomatamata Nove. 15

“I aso ua tuanaʻi, e toʻatele na talitonu faapea o le a iai se aso e avea ai le lalolagi ma parataiso. I aso nei, ua taumānatu nisi po o le a tumau pea le lalolagi. O le ā sou manatu e faatatau i le lumanaʻi o le lalolagi? [Faatali mo se tali.] Mātau le mea o loo fai mai ai le Tusi Paia e faatatau i lenei manatu. [Faitau Salamo 37:11.] O loo talanoaina i le mekasini lenei mea na valoia mai e le Tusi Paia e faatatau i le lalolagi.”

Awake! Nove. 22

“Ua atugalu nisi tagata i le faaleagaina ua oo i le siʻosiʻomaga lea ua lē o toe mafai ona faaleleia. Pe e te manatu ua lē mafai ona toe foʻia le faafitauli? [Faatali mo se tali.] E leʻi fuafuaina e Lē na Foafoaina Mea le lalolagi e avea ma nofoaga e lē aināina e lafoaʻi i ai otaota. [Faitau Isaia 45:18.] O loo faamatalaina i le mekasini lenei le auala o le a faasaoina ai le lalolagi.”