Le Tala e Fai Atu e Uiga i Mekasini
Le Olomatamata Iuni 1
“Pe e te manatu e talia e le Atua tapuaʻiga uma? [Faatali mo se tali.] E mataʻina le auala na tali atu ai le Atua i le nuu o Isaraelu anamua, ina ua latou auai i tū ma faiga masani a lotu a nuu latou te tuaoi. [Faitau le Esekielu 6:6.] O le a tali e lenei mataupu le fesili, ‘Pe Pule Tagata i le Auala Latou te Tapuaʻi ai i le Atua?’” Faaali i ai le mataupu o loo amata mai le itulau e 9.
Ala Mai! Ape.-Iuni
“E iai luʻi i faaipoipoga uma. O fea e te iloa e ono ō i ai se ulugalii mo ni fautuaga aogā? [Faatali mo se tali.] Tagaʻi i lenei taʻiala aogā. [Faitau le Efeso 5:22, 25.] O le a faamatala e lenei mataupu le uiga o le gauaʻi o le avā i lana tane.” Faaali i ai le mataupu i le itulau e 10.
Le Olomatamata Iulai 1
“Ua tatou lagonaina uma le tigā o le maliu o sē e pele iā i tatou. Pe e te manatu e fesoasoani le Tusi Paia i na taimi faigatā? [Faatali mo se tali. Ona faitau lea o le Salamo 55:22.] O loo talanoaina i lenei mekasini nisi o vala aogā o loo i le Tusi Paia, e taulimaina ai ma le manuia na taimi o tigā.”
Ala Mai! Iulai-Sete.
“Pe e te manatu e lelei lotu uma? [Faatali mo se tali.] Mātau le faamatalaga a le Tusi Paia i tapuaʻiga a nisi. [Faitau le Mareko 7:7.] E faapefea ona iloa e se tagata, o loo aʻoaʻo e se lotu le upu moni ae lē o “poloaʻiga a tagata”? Pe mafai ea ona maua le upu moni? O le a tali e lenei mekasini na fesili.”