Le Tala e Fai Atu e Uiga i Mekasini

Le Olomatamata Iulai 1

“Pe e te manatu e mafai ona maua le filemu o le mafaufau i nei taimi sili ona faigata? [Faatali mo se tali.] Mātau mai le faamatalaga a le Tusi Paia i le Filipi 4:6, 7. [Faitau.] O loo faamatala i le mataupu lenei le auala tatou te maua ai le filemu mai le Atua.” Faamatilatila le mataupu o loo amata i le itulau 10.

Ala Mai! Iulai-Setema

“E tele faaipoipoga ua iʻu ina tatala ona o le lē faamaoni. Pe e te manatu e fesoasoani le faatatauina o le mau lenei i faaipoipoga ina ia tumau ai? [Faitau le Mataio 5:28. Ona faatali lea mo se tali.] O loo faaaogā e le mataupu lenei le Tusi Paia e fesoasoani i ulugalii e ʻalofia le mailei o le lē faamaoni.” Faamatilatila le mataupu o loo amata i le itulau 14.

Le Olomatamata Aokuso 1

“Fai mai nisi o lotu uma lava o auala eseese e tau atu i le Atua. Pe e te manatu e lelei lotu uma? [Faatali mo se tali. Ona faitau lea o le Mataio 7:13, 14.] O loo faamatilatila i le mekasini lenei mea patino e tolu, o loo taʻua i le Tusi Paia e ao ona faaauilumaina e se lotu lelei.”

Ala Mai! Iulai-Setema

“E tatou te fiafia uma lava i le iai o ni uō lelei. O ā ni uiga e te manaʻo ia iai i se uō lelei? [Faatali mo se tali.] Mātau mai le faamatalaga lenei a le Tusi Paia. [Faitau le Faataoto 17:17.] O loo maua i le mataupu lenei ia fautuaga lelei i le filifilia o ni uō lelei atoa ai foʻi ma le avea ma uō lelei i isi.” Faamatilatila le mataupu o loo amata i le itulau 16.