Pe a E Manaʻomia Vave ni Lomiga i Isi Gagana

E iai taimi tatou te feiloaʻi ai i tagata e mananaʻo e faitau a tatou lomiga i se gagana ese e lē o maua i sapalai a la tatou faapotopotoga. O e silafia afai e iai sau Initaneti ma se masini e lolomi ai kopi (printer), e mafai ona e faia e oe lava ia ni kopi o lomiga i gagana pe tusa ma le 400? Seʻi faamatala atu le faiga:

• Alu i le tuatusi autū i le Initaneti www.watchtower.org.

• I le itu taumatau o le home page (itulau muamua) o loo iai se lisi o gagana. Kiliki le ata o le kelope e iloa ai le lisi o gagana o loo mafai ona maua.

• Kiliki le gagana e te manaʻo i ai. Ona aliali mai lea o se itulau o loo faaalia ai lomiga e mafai ona e faia ni kopi, e pei o sāvali, polosiua, ma mataupu. Talu ai o le itulau lenei e tusia i le gagana lea ua e filifilia, aua e te popole pe a e lē mātauina matua o mataupu.

• Kiliki i so o se mataupu lava. O le a aliali mai faamatalaga i le komepiuta ona fai loa lea o kopi.

E lē tele ni lomiga e maua i la tatou Web site; o isi lomiga e manaʻomia e mafai ona maua e ala i le faapotopotoga. Afai e te maua se tagata fiafia, e sili ona lelei le talosaga o lomiga mai i le potu tusi.