Kalena o le 2011 o Loo Faamatilatila ai le Tapuaʻiga a le Aiga
O le matua o le Kalena o le 2011 a Molimau a Ieova (2011 Calendar of Jehovah’s Witnesses) o le, Tapuaʻiga a le Aiga. O loo faamatilatila i le kalena ia aiga i aso nei ma aiga i taimi o le Tusi Paia. O loo faaalia ai foʻi ulugalii faaipoipo ma tagata nofofua o loo suʻesuʻeina lana Afioga.
O tagata o loo i le Tusi Paia ua faaalia i le kalena, na fiafia i le tulafono a Ieova, ma na tāua lenā e fesoasoani iā i latou e faafetaiaʻia ai luʻi e lē masani ai na latou feagai. (Sala. 1:2, 3) A o tatou iloiloina ata taʻitasi i le kalena, o le a faamanatu mai ai iā i tatou le tāua o le Tapuaʻiga a le Aiga, pe toʻatele pe toʻaitiiti lo tatou aiga, pe iai uma i le faapotopotoga pe leai. O loo iai se avanoa i le kalena e tusi ai le aso ua tuu ese mo le Tapuaʻiga a le Aiga. Po ua faatumu le avanoa?