Faasologa Fou o Mataupu o le a Iai i Le Olomatamata

I Aso Toonaʻi muamua o masina taʻitasi, sa masani ona tatou amataina ai se suʻesuʻega e faaaogā ai le mataupu “Aʻoaʻoga a le Tusi Paia,” lea sa i le Olomatamata. Ae e amata atu iā Ianuari, o le a suia ai lenā mataupu i le mataupu “Taliina Fesili Faale-Tusi Paia,” lea o le a maua i le pito i tua o le lomiga mo le lautele. E mafai ona faaaogā lenei mataupu fou i le talaʻiga, e pei lava o le faaaogāina o le mataupu “Aʻoaʻoga a le Tusi Paia.” (km 12/10 itu. 2) E pei ona masani ai, o le a maua i La Tatou Faiva o le Malo se taulimaga faataʻitaʻi e faaaogā i Aso Toonaʻi muamua o masina taʻitasi.