Taulimaga Faataʻitaʻi

O Fea e Tatou te Maua ai Tali o Fesili Tāua e Faatatau i le Olaga?

Tuu atu le sāvali i lē ona le fale ina ia tagaʻi i le matua ma faapea atu: “Talofa lava. O loo matou faia se tauiviga faapitoa i le lalolagi aoao e faalauiloa ai se feʻau tāua. O lau kopi lea.”

Pe afai e te tuua se savali i fale e leai se isi o iai, ia tuu i se mea e lē iloa atu ai e nisi, ma ia saʻo le naunauina.

Pe afai e faaalia le fiafia o lē e ona le fale e talanoa, e mafai ona e fesili atu i ai ina ia fili mai sona manatu i tali o loo i luma e tusa ai o le fesili. Ia tatala le savali, ma faitau i ai le manatu o loo Salamo 119:144, 160. Faamatala atu o loo i le savali faamatalaga e uiga i le Tuatusi lea e mafai ona fesoasoani iā te ia e maua ai tali faamalie loto mai i le Tusi Paia. Atonu e mafai ona faaali i ai se tasi o vitiō Aiseā e Suʻesuʻe ai le Tusi Paia? A o e leʻi tuumuli ese, faasino atu i ai fesili e tolu i le pito i tua o le sāvali ma fesili atu po o lē fea fesili e fia talanoa ai. Ia faailoa atu e te toe asiasi atu ma faasino iā te ia le auala e maua ai tali mai le Tusi Paia e ala i le faaaogāina o le jw.org. Pe a toe foʻi e tali le fesili e faaaogā ai le jw.org, kiliki le AʻOAʻOGA A LE TUSI PAIA > TALI O FESILI FAALE-TUSI PAIA.

Pe afai o loo e tufatufaina atu valaaulia mo le tauaofiaga itumalo, ia ofo le sāvali faatasi ma le valaaulia ma faapea atu: “O loo matou ofoina atu foʻi le valaaulia i so o se tasi e fia auai mai i le matou tauaofiaga o loo loma nei e aunoa ma se totogi.”

Le Olomatamata Aokuso 1

I faaiʻuga o vaiaso, ofo Le Olomatamata pe a talafeagai e ala i le faapea atu: “E matou te fiafia foʻi e ofoina atu iā te oe mekasini fou. O lenei mekasini o Le Olomatamata o loo taliina ai le fesili, Pe o naunau mai le Atua iā te oe?”

Ala Mai! Iulai-Setema

I faaiʻuga o vaiaso, ia ofo le Ala Mai! pe a talafeagai e ala i le faapea atu: “E matou te fiafia foʻi e ofoina atu mekasini fou nei. O le Ala Mai! lenei, o loo taliina ai le fesili, “O le ā ea le Aogā e Ola Ai?”