Faaleleia o o Tatou Tomai i le Faiva—Faaalia o le Naunau Moni

Māfuaaga e Tāua Ai: Na uaʻi atu Iesu i tagata taʻitoʻatasi, ma faaalia le naunau moni iā i latou. O se faataʻitaʻiga, atonu na silafia e Iesu le matamuli o se tamāloa tutuli, o lea na ia ave ai o ia i se nofoaga e leai ni tagata na iai ma faamālōlō ai o ia. (Mare. 7:31-35) Sa manatu mamafa o ia i ona soo e ala i le amanaʻia o le mea e latou te gafatia, ma lē taʻuina atu iā i latou ni faamatalaga se tele. (Ioa. 16:12) E oo lava i lona tulaga mamalu i le lagi, e na te faaalia mai foʻi le naunau moni. (2 Timo. 4:17) I le avea ai ma soo o Keriso, e tatou te mananaʻo e faaaʻoaʻo iā te ia. (1 Pete. 2:21; 1 Ioa. 3:16, 18) E lē gata i lea, o le a maua iʻuga lelei i la tatou faiva pe a faaalia le manatu mamafa mo le tagata o le aiga, ma mātau lona tulaga, mea e fiafia i ai, ma ona popolega. Atonu e faalogo mai o ia pe a mātau mai e tatou te lē o tau ina ō atu e faasoa atu se feʻau po o lomiga, ae o loo tatou nanau moni atu iā te ia.